A tradición balleira continúa viva na Costa da Morte. Ou morta, porque a última xa chegou falecida. Teñen aparecido, varados as nosas praias ducias de caldeiróns, pero unha balea de 31 toneladas e 18 metros xa había tempo que non chegaba ás nosas costas.

O pasado luns, arredor das 15:00h, este roncual común era divisado, xa morto, pola patrullera de aduanas na boca da ría de Muros. Aduanas avisou a Salvamento Marítimo pois, ademais de ser un obstáculo para a navegación, podería contaminar a ría no seu proceso de descomposición. Recolleuna a embarcación Salvamar de Porto do Son, que coa axuda do remolcador grande Don Inda, a achegaron ao varadoiro do remate do porto de Muros.

Alí un despliegue de persoal, armado e co narís ben tapado (o cheiro era verdadeiramente terrible) estaba preparado para desguazala. Agora unha parte xa debería estar na incineradora de Cerceda, pero de seguro que outra parte, como o esqueleto, queda nas mans da Xunta para o seu estudio.

Novas relacionadas

• Un novo caldeirón que morre nas praias da fin do mundo.
• Xornadas de Pesca: As baleas voltaron ao Pindo.
• Cee acolleu a presentación dun libro sobre a caza de baleas .
• As barbas de balea do pintor reciclado.
• Recunchos da Costa: A antiga baleeira de Caneliñas.

Artigos relacionados

• Que pasou na Costa: A época moderna (4ª parte): O mar como fonte de riqueza.
• Que pasou na Costa: A Época Moderna (5ª parte). Os perigos do mar.
• Que pasou na Costa: A Época Moderna (6ª parte). O litoral a mediados do XVIII: a Matrícula de mar e a chegada dos fomentadores cataláns (I).
• Que pasou na Costa: A época moderna (7ª parte): O litoral a mediados do XVIII: a pesca da sardiña e o asentamento dos fomentadores cataláns (II).

Fonte

• Redacción de QPC ([email protected]).
• Fotos de Toto Lestón Romaní.