Ademais da Laracha, os Concellos de Muxía, Vimianzo e Camariñas están a apostar, conxuntamente, polos Obradoiros de Emprego. Unha proposta que ofrece unha formación, aporta unha profesión, e un soldo, ao grupo de 20 mozos e mozas que participan, durante 9 meses.

Onte presentábase en Muxía (concello promotor) este Obradoiro ‘Camiño ao emprego’, en presencia dos rexedor@s, as ADL, e a directora do obradoiro, Lorena Valera. Desenvolveranse en dúas especialidades, a destacar ‘Promoción turística local e información ao visitante’ e ‘Actividades auxiliares en conservación e mellora de montes’.

Entre outras moitas, levaranse a cabo tarefas de deseño e elaboración promocional dos tres concellos, actualización das bases de recursos turísticos do territorio e deseño de novos produtos turísticos.

Novos obradoiros

• Os Obradoiros de Emprego, unha verdadeira oportunidade para a xuventude... e para os Concellos.
• O novo Obradoiro de Camariñas, Muxía e Vimianzo comezará en decembro e terá especialidades de turismo e montes.
• Laracha acolle un novo Obradoiro de Emprego dual de Conservación Forestal e de Carpintería.
• A Laracha fachendea de Obradoiro de Emprego.