Sábado. 20.07.2024
El tiempo

Os alumnos dos Muíños estrearon as visitas guiadas dos Secadoiros de Congro

Os alumnos dos Muíños estrearon as visitas guiadas dos Secadoiros de Congro
Miguel Diz cos rapaces dos Muinos explicando os secadoiros de congro de Muxia

O pasado venres comezaron as visitas guiadas que os Centros Educativos do municipio realizarán aos secadeiros de congro de Muxía. As visitas están organizadas polo Concello de Muxía, para dar a coñecer entre os escolares a importancia dos secadoiros, como se traballa neles e a súa historia. Unha gran ocasión para espalar o patrimonio propio e facer que dende pequenos os nosos veciños sigan valorando unha tradición tan auténtica coma esta.

A primeira quenda de visitas foi o venres pasado, cos máis pequechos do CEIP Os Muíños. Os rapaces e rapazas, acompañados de profesorado, foron recibidos no secadoiro pola Técnico de cultura, Viki Rivadulla, que lles falou da importancia dos secadoiros, de cómo se pesca o congro, etc…para logo pasar ao almacén e ver in situ unha demostración da preparación do congro para colgalo nas cabrias. Esta demostración fíxoa Miguel Diz, quen toma o relevo do seu avó, Juan Diz, neste oficio que se leva facendo en Muxía dende que os primeiros pescadores ocuparon a zona.

Os nenos e nenas desfrutaron dunha visita na que puideron facer preguntas sobre os aspectos que máis espertan a súa curiosidade e mesmo leron un poema de Manuel Rivas que fala dos secadoiros de Muxía.

os nenos nas cabrias do congro

Máis visitas

Nas vindeiras semanas continuarán as visitas a estos secadoiros que son un valor cultural, patrimonial e etnográfico que non debe desaparecer e que contribúen a unha oferta turística de calidade de Muxía e ao mantemento da cultura mariñeira que caracteriza esta vila.

Este sábado, de feito, había programada unha visita guiada, pero non se xuntaron o mínimo de 10 persoas necesarias para levala adiante, pois cómpre lembrar que os sábados descansa a familia do congro muxián.

Palangre para o congro

Novas relacionadas

Fonte

  • Concello de Muxía.

Comentarios