Sábado. 04.07.2020
El tiempo

O PP de Muxía pide a paralización da Lei de Costas

Imaxe da piscifactoría Tres Mares de Lires
Imaxe da piscifactoría Tres Mares de Lires
O PP de Muxía pide a paralización da Lei de Costas

En xaneiro acusaba ao alcalde de poñer en perigo a piscifactoría de Lires (Cee). Esta semana, o PP de Muxía carga as súas acusacións contra o goberno central e a súa intención en reformar a Lei de Costas, a través da Lei de Cambio Climático.

Os populares, que presentaron unha moción na que reclaman unha vez máis que paralice esta reforma, lamentan que o executivo central “se empeñe” en sacar adiante un texto que afecta directamente as concesións das empresas deste sector e que, polo tanto, “pon en risco miles de postos de traballo en toda Galicia, centos deles directamente na comarca de Costa da Morte”.

“Pedimos que se deixe sen efecto a proposta de modificación dos prazos concesionais en zona de dominio público marítimo-terrestre formulada a través do artigo 18 do proxecto de Lei de Cambio Climático e Transición Enerxética”, explicou Vilela, quen incidiu en “reclamar que o Goberno central desista do seu propósito de tramitar unha modificación das condicións da ocupación de dominio público marítimo-terrestre que interprete e restrinxa de forma arbitraria a duración das prórrogas extraordinarias”.

Novas relacionadas

comentarios