‘O Semáforo’ de Fisterra e ‘Albergue Et Suseia’ de Muxía reciben o distintivo Q de Calidade Turística
Esta fin de semana, os representantes das empresas O Semáforo de Fisterra e Albergue Et Suseia de Quitáns recibían o recoñecemento e distintito Q de Calidade Turística, unha acreditación que outorga o Instituto para a Calidade Turística Española (ICTE).
Representantes da CMAT quixeron acompañar aos premiados no acto de entrega presidido polo presidente da Xunta, Alfonso Rueda, e celebrado este fin de semana na Finca Montesqueiro de Oleiros da man de Xosé Regueira, vicepresidente da Deputación da Coruña e deputado de Turismo, e por Pepe Formoso, empresario e presidente da Asociación Profesional de Turismo da Costa da Morte (APTCM).
“Non quixemos deixar pasar a oportunidade de apoiar coa nosa presencia a estas dúas empresas da Costa da Morte”, destacou Mónica Rodríguez, presidenta da CMAT, quen sinala que a concesión dos distintivos Q de Calidade Turística “reafirma que a Costa da Morte ofrece unha diversidade de servizos turísticos de constratada calidade e profesionalidade para todo aquel que queira coñecer e achegarse ao xeodestino”.
Galicia conta con máis de 300 acreditacións Q de Calidade Turística.
