O Club Arte e Movemento marca territorio no Campionato do Mundo de Bailes Caribeños

arte e movemento baile deportivo

Club Arte e Movemento no Campionato do Mundo de Estambul

11:16 09/12/25

Fin de ano de vertixe para a familia do Club Arte e Movemento, que ratifica o seu o seu poderío como club pioneiro, e como un dos mellores equipos do mundo en bailes deportivos.

Despois de participar, con rotundo éxito no Campionato de España, esta ponte desprazouse a Estambul para participar no Campionato do Mundo de Bailes Caribeños. O club costeiro tiña clasificados a 14 deportistas, encargados de representar a España neste mundial, e os resultados en ambas probas foron dificilmente mellorables, tendo en conta ademais que moitos dos rapaces e rapazas costeiros, están competindo con 12-13 anos en categoría Junior (de ata 15) e mesmo en adulto (máis de 16).

Xa no Campionato de España de 10 bailes, o club volveu de Guadalajara con 32 medallas (13 de ouro, 12 pratas e 7 bronces) triunfando, como vén sendo habitual, Raúl e Serena, unha das parellas máis famosas do planeta, pero tamén Ashley e Alba ou o grupo A&M salsa company. Ademais, outra nova que chegou de Guadalajara foi protagonizada por Laura Marcote, que conseguía dúas prazas en categoría adulto, e que consegue renovar a súa praza como deportista de alto nivel.

Raul Romero subcampion do mundo de baile — Raúl Romero, subcampion do mundo de baile

Pero é que a participación no Mundial celebrado en Estambul coloca a Costa da Morte no mapa mundial dos bailes. O mellor resultado conseguiuno Raúl Romero, subcampión mundial de Bachata en Junior, pero é que o club tivo resultados de grandísimo nivel:

Junior bachata masculino (6 participantes)