Martes. 20.02.2024
El tiempo

Zas foi un fervedoiro de gran tenis de mesa gracias ao formato de concentración

Paulo Navarro atacando unha bola
Paulo Navarro atacando unha bola na concentración zaseira
Zas foi un fervedoiro de gran tenis de mesa gracias ao formato de concentración

O pasado sábado 11 de febreiro foi un día completo de tenis de mesa no pavillón municipal de Zas, con 9 encontros de 2ª División Galega e un de 3ª Nacional. Neles vironse partidos moi igualados entre as promesas deste deporte na 2º galega e por suposto moi intensos e con moita calidade no encontro estelar da 3ª Nacional.

A xente do tenis de mesa fai unha valoración moi positiva desta fórmula de concentracións onde todos poden falar e intercambiar opinións aparte de ver como xogan os demais equipos. Houbo unha confraterninade total entre os equipos de 2ª División Galega que foron comer todos xuntos a un restautante da localidade, e, ademais, tiveron a oportunidade de ver xogar aos líderes de 3ª nacional para seguir mellorando

3ª Nacional centro

  • Resultado: AD Zas Ponciano Nieto - Arteal Compostela 1 (4-2).
AD Zas Ponciano Nieto - Arteal Compostela 1
AD Zas Ponciano Nieto - Arteal Compostela 1

Outra vitoria mais do AD Zas Poncianon Nieto, nada fácil ante uns rivais correosos e que devolven moitas bolas e aos que lles hai que aguantar o ritmo alto de peloteo nos puntos, e con moitas alternativas e a mostra máis clara desto foi o segundo set entre Raúl e Carlos que rematou cun 23-25, e co comentario dos dous xogadores "pensei que non acababa nunca" pero é que ningún se deixaba levar.
Empezou Miguel Rey xogando o partido que xa se preveia igualado e intenso e no que o xogador local quería ganarlle a un Venancio correoso e loitador de todas as bolas que van ao seu lado. Así con moita seguridade nos golpes e esperando a oportunidade para enviar a bola lonxe do contrario foi como Miguel conseguiu levarse o partido. Puntos moi longos nos que a concentración foi determinante.
Logo Raúl López entrou moi concentrado no seu partido contra Carlos e ao querer acabar demasiado pronto os puntos escapouselle o primeiro set, no segundo, que recordaremos moito tempo, pois un 23-25 non é habitual nos sets a 11 puntos, houbo alternativas suficientes para que calquera o gañase e como foi para Carlos despois Raúl non encontrou o modo de igualar o partido.
Logo Roi Sixto impúxose facilmente ao novo Berto e no dobre volveron os de Zas a facer coma na xornada anterior, gañar o primeiro set aparentemente fácil e no que se via a sua superioridade e un pouquiño que se relaxaron xa estaban 2-1 abaixo, retomaron o xogo no cuarto set e no definitivo non souperon continuar co nivel deles e así quedou o encontro para resolver nos ultimos individuais de Miguel contra Carlos que dominou Miguel sempre desde os primeiros puntos de cada set e por último Roi xogou a un nivel altisimo ante o que Venancio pouco poido facer.

2ª División Galega

  • Resultado: AD Zas Cafeteria Talladas - CD Be One Ourense B (4-0)
  • Resultado: AD Zas Cafeteria Talladas - CD Be One Ourense A (0-4)
  • Resultado: AD Zas Cafeteria Talladas - Conxo TM (2-4)
  • Resultado: AD Zas O Pinar - CD Be One Ourense B (4-0)
  • Resultado: AD Zas O Pinar - CD Be One Ourense A (4-3)
  • Resultado: AD Zas O Pinar - Conxo TM (4-0)
AD Zas O Pinar - Be One Ourense A
AD Zas O Pinar - Be One Ourense A

O encontro estelar desta concentración foi o xogado entre AD Zas O Pinar e Be One A onde os locais tiñan que resarcirse da derrota ante os ourensáns como así fixeron pero non coa marxe suficiente para remontar o 4-2 adverso da concentración anterior.
Queda este grupo moi igualado nos primeiros postos con 5 equipos en so dous puntos de diferencia.

1ª División Galega

  • Resultado: CTM GAM - VTM Pinturas Figueiras (4-1)

Notouse a diferencia entre o segundo clasificado, o GAM de Meaño, e o terceiro, o VTM de Vimianzo, desta división pero que non inflúe moito xa que a pesar diso os soneiráns seguen terceiros.

M. J. Castro devolvendo unha bola
M. J. Castro devolvendo unha bola

Novas relacionadas

Comentarios