Polo Día Internacional da Muller, a Costa da Morte vive unha marea de actos. A meirande parte son organizados polos Concellos, polo que máis atención deben ter os artellados pola cidadanía, polas asociacións, polos colectivos feministas. Xa temos data para as citas de Carnota con Sonlilá e de Cee con Buserana, e completamos o trío de eventos en Ponteceso, coa manifestación que organiza o novo colectivo Feminismo en Pé.

Unha manifestación que partirá o mércores 8 de marzo, ás 20:00h do IES Eduardo Pondal e chegar ata a Praza do Recheo de Ponteceso. Unha mobilización na que esperan contar con organizacións e colectivos sociais da contorna, e coa participación de toda a veciñanza.

Manifesto

As bergantiñás queren recuperar o espírito co que as traballadoras e revolucionarias marcaron esta xornada como día de loita” dende hai máis dun século. Recollemos neste día o legado de todas estas mulleres e denunciamos os abusos do patriarcado saíndo á rúa, ocupando o espazo público, advertindo que non imos retroceder nin un só chanzo na loita polos nosos dereitos, denunciando o machismo e a misoxinia que aínda hoxe seguen arraigados nas institucións.

Saímos a rúa porque continuamos en loita para conquistar o recoñecemento e a igualdade de todos os dereitos e reivindicar un futuro digno para todas, porque vemos como os dereitos que criamos consolidados están a ser cuestionados e non o imos permitir.
Saímos a rúa para esixir unha sanidade digna e respectuosa para a nosa realidade, para esixir medidas reais e dotadas dos recursos necesraios para rachar coa fenda salarial e o teito de cristal.
Saímos a rúa porque sabemos que é necesario visibilizar a nosa loita para xuntar esforzos, atoparnos na a sororidade e a solidariedade entre as mulleres para acadar a fin da desigualdade da nosa sociedade.

Novas do 8M

• Carnota: 8M: As mulleres de Sonlilá homenaxean a Marupe cunha cadea de mulleres.
• #8M: Buserana conversa sobre a vida real das mulleres
• 8M Carballo: "Na nosa contorna máis inmediata hai mulleres que son referentes nas súas profesións” (entradas esgotadas)
• 01-02-2023: Carnota chora o pasamento de Marupe.
• 8M 2022: Unha cadea humana sobre a praia de Carnota para simbolizar a forza das mulleres.