Xa leva máis dun ano pechada ao tráfico, e son varios os anos de denuncias sobre o seu pésimo estado. Pero parece que a ponte da Garga, unha estrutura do século XIX, xa ten solución. A Deputación da Coruña investirá 177.000 euros nas obras de reparación da ponte pontecesá, que se completará con outros 77.000 euros incluídos entre as achegas do Plan Único por parte municipal.

O Plan serña aprobado o vindeiro 30 de xuño e prazo de execución das obras é de tres meses.

Datos da obra

As obras consistirán no recalce da cimentación, o retacado e peche de gretas e ocos, a colocación de tirantes de aceiro para atar e reforzar a pila e a inxección de aglomerantes.
Os traballos incluirán ademais a desmontaxe parcial e posterior montaxe de pretiles e cornisa, así como da sillería do tajamar, o espolón e sombreretes da ponte. Tamén se reforzará a estrutura cunha rosca de formigón con barras de aceiro que atarán os cinco aneis que compoñen as bóvedas transversalmente. Esta armadura permitirá que a ponte resista nun momento dado unha sobrecarga excepcional, xa que a rosca ábrese e péchase unha vez deixe de actuar a sobrecarga.
As obras inclúen a eliminación da vexetación e das pequenas árbores enraizadas na ponte e a retirada das tuberías que colgan das cornisas e a pavimentación da calzada sobre a ponte, que será reconstruída cunha nova rasante lixeiramente alomada ( o centro da ponte situarase 5 cm. máis alto que as entradas) para facilitar o desagüe da auga de choiva.

• Marzo 2017: Cruce de acusións entre o PPdeG e o BNG no Parlamento polo deterioro da ponte da Garga.
• 31-01-17: Xosé Luis Rivas, Mini, visita Ponteceso para coñecer o estado da ponte da Garga
• 25-08-16: O PP de Ponteceso esixe o inmediato arranxo da Ponte da Garga en Anllóns
• 29-06-16: Ponteceso busca compromiso para reparar a ponte da Garga
• 03-06-16: A comisión apolítica de veciños afectados polas inundacións de Ponteceso esixen axudas no Parlamento
• 06-04-16: Unha comisión de afectados intermedia na solución das inundacións en Ponteceso.
• 08-01-16: O primeiro temporal de 2016 en imaxes.

• Redacción QPC ([email protected])