Vai provocando consecuencias o mar de fondo nos grupos socialistas de Muxía e Ponteceso. Despois de que unha moción presentada por APIN provocase, gracias aos votos a favor de 5 edís socialistas, a redución dol soldo da alcaldía (de 48 a 36.000), o propio Lois Carballido responde anunciando a súa “renuncia ao seu soldo municipal”. “No día de hoxe solicitei o meu reingreso ao instituto de Ponteceso”, valora.

Carballido sinala que “estivo 9 anos na política local sen cobrar do Concello, tres deles de Alcalde. Miña muller máis eu somos profesores de inglés no instituto local, por oposición, e afortunadamente non necesitamos os ingresos do Concello”, afirma.

Aproveita ademais para lanzar dardos, recordando que “Pose Verdes cobraba un soldo de tenente Alcalde, que empalmou logo coa súa xubilación.

“Vou seguir como Alcalde aínda que estarei de profesor para dar sustento aos meus fillos. As iniciativas que sexan para mellorar o Concello, van contar co meu respaldo, e espero tamén contar co respaldo de toda a Corporación, para facer do noso Concello un modelo de benestar e desenvolvemento”, conclúe.

Novas do caso #PSOEPonteceso

• 28-07-2020: Mar de fondo nos grupos socialistas de Muxía e Ponteceso.
• 20-06-2020: 3 edís socialistas apoian a Faustino Lema, cesado “unilateralmente” polo alcalde por “opinar priorizando o interese dos veciñ@s”.
• 14-06-2020: Faustino Santiago explica o seu cese como edil pontecesán: "Non é falta de confianza, é abuso de poder do alcalde”.
• 28-05-2020: Carballido bota outro membro da súa corporación.
• 2019: Socialistas de Ponteceso critican ao alcalde
• 2019: Militantes socialistas de Ponteceso critican o incumprimento o procedemento na elaboración da lista.