Sen noitebús pero con algunha concesión. Boa nova para o precario servizo de autobuses da Costa da Morte. Os veciños da localidade coruñesa de Corme, contarán cunha nova área de estacionamento de autobuses que comezará a construírse no transcurso desta semana. A nova área de estacionamento de buses situarase na rúa Remedios de aceso ao porto, no núcleo urbano cormelán. A Consellería de Medio Ambiente, Territorio e Infraestruturas vén de adxudicar definitivamente a compañía “Ain Empresa de Servicios para a Construcción S.L.” as obras para levar a cabo esta infraestrutura, por elo, a Dirección Xeral de Mobilidade realizará unha achega de preto de máis de 169.000 euros.

Obrigas da Consellería e do Concello

A Consellería de Medio Ambiente terá o deber de financiar a totalidade das obras así como licitalas, ademais de asumir a dirección da obra. Pola súa parte, o Concello de Ponteceso deberá poñer á disposición da consellería os terreos libres de cargas e gravames necesarios para a execución das obras, así como asumir o mantemento e a conservación das obras unha vez rematadas. Para o seguimento do cumprimento das condicións establecidas no convenio, establecerase unha comisión de coordinación formada polo director xeral de Mobilidade, Miguel Rodríguez Bugarín, por un técnico da consellería, polo alcalde de Ponteceso, José Luís Fondo, e por un funcionario do concello. A vixencia do convenio será ata o 31 de decembro de 2010, sen prexuízo de prorrogar o dito período en virtude dunha causa xustificada.

Máis información

• www.busescostadamorte.com.
• Facebook: Autobuses Costa da Morte.

Novas relacionadas

• O cartel de QPC dos horarios de autobuses chegan a máis "estacións" da Costa.
• QPC cos Autobuses da Costa da Morte.
• QPC leva os horarios de autobuses integrados pola Costa da Morte.

Máis novas

• Entrevista con Ricardo Darriba, xerente do Hotel Insua e do Albergue Camiño das Estrelas: "Hai unha nova xeración no sector hostaleiro da Costa da Morte".
• Comeza a funcionar en Ponteceso o bus gratuito á praia de Valarés.
• As administracións olvidan o carril-bici.
• Un pasiño adiante cos horarios de autobuses.
• Axuda misericordiosa para a única estación de buses da Costa da Morte.
• A única e olvidada estación de buses da Costa da Morte.

Máis novas

• Difícil viaxe de volta en autobús.
• A deficiente rede de Transporte público e a presión urbanística, as maiores lacras da bisbarra.
• Editorial: A voltas cos autobuses da bisbarra.
• A necesidade dun Plan Integral do Transporte Público na Costa da Morte.

Fonte Redacción de QPC ( info@quepasanacosta.gal). Nota de prensa do Gabinete de Comunicación da Consellería de Medio Ambiente, Territorio e Infraestruturas.