Xoves. 27.01.2022
El tiempo

Corme terá a súa máxica Noite de Encantos na Furna do Osmo

Corme terá a súa máxica Noite de Encantos na Furna do Osmo

Unha das citas máis especiais do verán costeiro é a Noite dos Encantos, que cada ano, ou depende, se celebra na mística Furna do Osmo, en Corme. Este ano hai sorte e xa podemos dicir que o venres 7 de setembro a furna convertirase nunha paraxe preciosa onde a música fará rexurdir aos encantos... E que non quede ningún cativo pola mañá...

Unha festa ademais que ten tintes solidarios. I é que a colonia cormelá sempre ten un recordo para as xentes máis necesitadas. Este ano o concerto faise en solidariedade coa Casa de acollida Rika Inche, situada en Puerto Montt, no Sur de Chile.

Tarde-noite máxica no Osmo

A festa comezará a partir das 19:00h no chiringuito "Lixeiros de roupa", na mesma praia do Osmo. Alí poderase disfrutar dun espectáculo de monicreques e maxia a cargo da Compañía Trecola. Ademais teremos a posibilidade de ver unha exhibición de breakdance a cargo duns compis de Compostela.

A partir das 21:00h, e no mesmo chiringo, teremos os concertos do impresionante e impredecible Leo e Arremecaghona, e Ce Orquestra Pantasma. Estes 2 bravos da música galega de rúa tamén tocarán un temas na Furna, cando comece a máxica noite de concertos a partir 23:00h ma Furna do Osmo. As bandas escollidas son:

  • Folkolikos (speed folk dende A Coruña).
  • Debito (hard core melódico dende A Coruña).
  • Furnier&Noe (hip-hop compostelán).
  • La tercera vencida (clasicos do rock dos anos 70's).

Pero a festa non decaerá ata que o corpo aguante...

Novas relacionadas

Máis novas

Fonte

  • Nota de prensa da organización da Noite dos Encantos, da man de Raimundo Sabate.

comentarios