As graves causas da crise da auga de Corme parece que teñen posibles culpables. Ademais das evidentes deficiencias da rede de saneamento, a Garda Civil vén de informar que está investigando a cinco persoas, responsables dunha granxa de porcos da contorna, como presuntos autores dun delito contra a saúde pública e outro delito contra os recursos naturais e o medio ambiente.

O Servizo de Protección da Natureza (SEPRONA) da Garda Civil da Coruña, despois dunha longa investigación, identificou dous focos diferentes de contaminación cuxa acción combinada orixinou o episodio de gastroenteritis que afectou a centenares de veciños da localidade durante o ecuador do mes de setembro, que provocaron ademais cortes de varias horas na rede de auga potable e unha importante alarma veciñal.

NOVAS DA CRISE DA AUGA EN CORME

• 14-10-19: As graves causas da crise da auga de Corme.
• 07-10-19: Corme sae á rúa para buscar solucións.
• 04-10-19: Sanidade levanta a restrición sobre o consumo da auga da traída.
• 02-10-19: PP e APIN únense para pedir a dimisión do alcalde de Ponteceso pola crise da auga.
• 29-09-19: A AVV, sindicatos e a oposición cargan ante a crise da auga de Corme.
• 27-09-19: Manteñen a recomendación de non consumir auga da traída en Corme ao detectaren axentes contaminantes.
• 23-09-19: Corme en alerta ante a avalancha de vómitos e diarreas de familias enteiras.