Os Bos e Xenerosos da Fundacion Eduardo Pondal 2018: Marilar Alexandre, Xan Fdez. Carrera (recollendo o premio a Xaquín Marín), Quico Cadaval e Sés-Foto-José María Suárez Arrincou o Festiletras, o gran fervedoiro cultural pontecesán que trascende das fronteiras da Costa da Morte. E fíxoo o pasado mércores 16, coma sempre, coa entrega dos recoñecementos aos “Bos e Xenerosos”. Nunha ateigada sala, a Fundación Eduardo Pondal quixo ter en conta a labor cultural de catro senlleiros representantes das nosas Letras Galegas: a escritora Marilar Alexandre, o debuxante Xaquín Marín, o artista da escena Quico Cadaval e a cantante Sés. Non puido asistir Marín, pero foi o seu amigo Xan Fernández Carrera o que recolleu o premio no seu lugar. Ningún dos tres quixo esquecer o gran labor que realiza esta pequena aldea do Couto, e agradeceron o compromiso pola cultura, e pola cultural galega, deste pobo. Particular foi o encontro de Sés con Teresa dos Cucos, unha das mentoras da artistas “berghantiñana”, unha desas persoas que Sés nunca poderá esquecer. [fbvideo link="https://www.facebook.com/quepasanacosta/videos/10156211948232177/?t=2" width="800" height="450" onlyvideo="1"] Quico Cadaval-Foto-José María Suárez Sés con Tereixa dos Cucos na FEP-Foto-Jose Maria Suárez

Festiciencia

Este pasado xoves 17 convertiuse o Couto na capital mundial da internet, porque este ano o Festiletras ten algo, moito, de “Festiciencia”. Alumnos de todo o país disfrutaron dunha saída de Xeocaching (unha xincana divertida por toda a aldea descubrindopistas literarias); gravaron un programa da Radio Galega “Efervesciencia”, e tamén participaron nun workshop de Ciencia cidadá, a cargo de Jose Viñas. Foi o mago Antón o encargado de darlle un toque máxico a sesión científica, antes da música de Fetén Fetén e da saída a ver ás estrelas con Jorge Mira. O programa continúa toda esta fin de semana. O venres volve ser a ciencia a protagonista e pola noite a cita coas Tanxugueiras é todo un reclamo. O sábado é o Día das Aldeas Singulares e da Feira de Artesanía. Pola tarde haberá paso ás regueifas e tamén a ungran festival de música con Mounqup, Txarango e Igmig. O domingo, máis artesanía, contacontos, e sesión vermú con Terbutalina. Feten Feten inaugurou as citas musiqueiras

Máis información

• 2018: O Programa do Festiletras, un novo fervedoiro cultural galego.

Novas relacionadas

• 2018: O maio da Galería Mulleres para coñecer a María Victoria Moreno, a protagonista das Letras Galegas.
• 2017: A Deputación recoñece o Festiletras como a gran festa das letras en toda Galicia.
• 2017: Todos os días son o Día das Letras Galegas.
• 2017: Emotivo arranque do Festiletras coa entrega dos premios Bos e Xenerosos
• Abril 2017: 35 actos para o 35 aniversario do Festiletras.
• Festiletras 2016: A familia das Letras Galegas vive no Couto.
• Festiletras 2016: Os Bos e Xenerosos da Fundación Eduardo Pondal, primeiro prato do menú do Festiletras.
• Festiletras 2016: Sabroso e variado menú cultural para o gran Festiletras 2016.
• Festiletras 2015: Emotividade e risas para o comezo do #Festiletras2015.
• Festiletras 2015: Ángel Carracedo, Margarita Ledo, Siro López e Guadi Galego, os Bos e Xenerosos da FEP 2015
• Festiletras 2014: A Aldea das Letras abre os ollos a outros mundos para seguir facendo país.
• Festiletras 2014: Os Bos e Xenerosos da Fundación Eduardo Pondal.
• Festiletras 2013: As grandes actuacións encheron a Aldea do Couto de Letras.
• Festiletras 2012: Cheo tras cheo no espectacular Festiletras da aldea do Couto.
• Festiletras 2011: Hai canteira para a Festa das Letras do Couto.

Máis novas

• A lingua galega sobrevive na Costa da Morte.

Fonte

• Redacción QPC ([email protected])