A ponte da Garga quedou visiblemente deteriorada tras as inundacions do pasado inverno Ponteceso sigue sufrindo as consecuencias das graves inundacións de primeiros de ano. Por este motivo, o concelleiro de patrimonio do concello de Ponteceso, Carlos Penedo, acompañado do alcalde, entrevistarase mañá coa directora xeral de Patrimonio, María del Carmen Martínez Ínsua. O obxectivo deste encontro, segundo indican os nacionalistas de Ponteceso é "acadar o compromiso e implicación da Consellaría para resolver o deterioro da ponte da Garga". Dende o seu punto de vista é imprescindible conseguir o asesoramento técnico e a aportación orzamentaria necesarias para a súa restauración. Ademais dende o BNG de Ponteceso indican que a solución é imprescindible antes de que chegue de novo o inverno e con el o risco de maior desastre neste elemento arquitectónico do Anllóns.  

Novas relacionadas

• 03-06-16: A comisión apolítica de veciños afectados polas inundacións de Ponteceso esixen axudas no Parlamento
• 06-04-16: Unha comisión de afectados intermedia na solución das inundacións en Ponteceso.
• 08-01-16: O primeiro temporal de 2016 en imaxes.

Fonte

• Redacción de QPC (info@quepasanacosta.com).