Na xornada do pasado luns, 25 de xullo, foi inaugurado o novo Centro Sociocultural da parroquia de Xornes. Segundo o Concello de Ponteceso, “trátase dunha infraestrutura moi importante para a parroquia, xa que alberga un grande movemento social e cultural”. O centro será utilizado polas distintas entidades da parroquia e polo Concello. Consta dun salón de actos, oficinas, e un servizo. Ademáis está completamente habilitado para persoas con discapacidade. No acto de inauguración estiveron o alcalde de Ponteceso, José Luis Fondo Aguiar, o concelleiro de cultura Óscar Manuel Rey Calo, o concelleiro de infraestruturas, José Pose Facal, e a concelleira de deportes, María del Mar Durán Mato. Logo das intervencións da presidenta da Asociación Cultural e o presidente da Asociación de Veciños de Xornes, os asistentes puideron desfrutar das actuacións do Grupo de Gaitas de Xornes e as Cantareiras de Limiñoa.

Novas relacionadas

• Ponteceso desenvolverá un plan de Ecoturismo coa axuda do GAC.
• A Lei de Xuventude, a debate en Ponteceso.
• Ponteceso volve abrir o Praia Bus para ir a Valarés.

Fonte

• Nota de prensa do Concello de Ponteceso.