Son xa case 300 os corredores que están anotados na 4ª carreira pedestre de Ponteceso, que se inclúe no IV Circuíto Provincial de Carreiras Populares da Deputación da Coruña e que se desputará o vindeiro domingo, día 11 de xuño. Esta proba naceu co obxecto de dar a coñecer a ruta de sendeirismo PRG–148. A proba principal terá un percorrido de 8 quilómetros e unha duración máxima dunha hora. Trátase dunha carreira pedestre (50% asfalto e 50% terra - herba) que percorrerá varias das parroquias do concello de Ponteceso (Cospindo e Tella), discorrendo principalmente por vías de titularidade municipal, provincial e autonómica. Cortes de tráfico Con motivo da 4ª carreira pedestre do concello de Ponteceso que terá lugar o vindeiro domingo, día 11, haberá cortes de tráfico rodado en distintos momentos do día. Así, de 10 a 10:20 horas pecharanse ao tráfico as avenidas Eduardo Pondal e Bergantiños polo que se habilita un desvío provisional para o tráfico que será pola rúa Aduana, Agra de Tella e acédese a 419. Co fin de que se dispute a carreira 8K pecharase ó tráfico as avenidas Eduardo Pondal, Bergantiños e Médico Antonio Longa así como as rúas Vereda, Campo da Feira e avenida do Anllóns, a estrada de Currás e a AC-424 dende o quilómetro 1.100 (situado na marquesina do Couto) ata o quilómetro 0,000 durante a carreira. Habilitarán os desvíos correspondentes tanto para os que circulen dirección Cabana e Corme, e á inversa. Novas relacionadas

• Frenética actividade en Abellariza

Fonte

• Redacción QPC ([email protected])