A auga, un ben moi preciado, nace nos montes. Primeiro son as nacencias e despois os afloramentos dos ríos.

No monte As Salgueiras atesoura este proceso natural ,a auga é a principal protagonista e arredor dela hai todo un mundo para aproveitar este recurso.Muiños, fontes, ríos de lavar. Máis inmaterial atopamos relacionados coa auga un sin fin de topónimos e microtopónimos impresionante.

Tras a casa d´Antón e Folgue queren instalar uns eólicos. Prevé facelo Norvento, na Lagoa e chega ata a Chousa dos Maricos.

Deixamos atrás a Chousa de Rosa, nunha época na que os montes tiñan nombres de muller, e chegamos a Fonte Leiras. Hai moita auga por estes montes, que nace nos recunchos das penedas, mirando ó mar. Fontes que beben do orballo que as mañanciñas deixan caer sobre das silvas. Pasamos por Cuca e Escribana e chegamos ás Salgueiras.

Cabanas de Badín, Chousa Nova, Chousa Vella, Milleiras, Pedra Furada, Cruces, San Hadrián, Laíño, Cucheira, Rego dos Corvos, Carballa, Carballiña, Cova, Pereira, Rego da Carballa, Abelleira, Abelleira Pequena, Mina d´auga, Campo Redondo, Lamachega, Revimba, Porto Lagos,….

Sí, Porto Lagos, un lugar de paso seguro para pasar dun lado ao outro do humidal das Salgueiras, sen mollarse. Porque aquí no monte das Salgueiras tamén hai humidais de montaña. Eses humidais que dan lugar ao nacemento dunha manchea de cauces, regos e manancias… Eses que despois dan de beber á xente das vilas, como o depósito de auga da Costa, no lugar do Couto e que abastece a esta parroquia.

E ao pé das Salgueiras, as Covas, a Cortiña da Rosa e a Chousa da Lista.

Unha riqueza toponímica inmesa ao redor do monte As Salgueiras que nun futuro próximo será engulida polo cartel xigante do dragón capitalista:
Benvidas ao polígono eólico industrial das Salgueiras.

• Carlos Penedo Casmartiño, membro da Plataforma pola defensa do Monte As Salgueiras.

Novas sobre os eólicos

• A DIA do Campelo recoñece que os do Campelo, Bustelo e Toural son un só proxecto eólico .
• Xaneiro 2021: O bosque de Santa Locaia, tamén ameazado polos eólicos de Banzas.
• 6 razóns do expolio eólico: "Nunca Máis ao Plan Sectorial Eólico de Galicia”.
• Os Quijotes e Petón do Lobo piden que os eólicos non afecten aos humidais de montaña.
• Reda Natura e Parques Eólicos son incompatibles.
• Denuncian a posible corrupción trala fragmentación fraudulenta dos parques eólicos de Vimianzo e Dumbría.
• A desfeita das obras do parque eólico G3 de Corme, en imaxes.
• Familias afectadas por 6 proxectos de parques eólicos: “Róubannos a nosa Paisaxe”.
• O BNG ratifica o seu rexeitamento ao parque eólico no Monte das Salgueiras.
• Ofrecen un modelo para presentar alegacións para pedir a inaplicación do Plan Sectorial Eólico de Galicia.
• O Cerqueiral, outra ameaza para a nosa paisaxe.
• Greenalia, que promove 7 parques eólicos na comarca, fai unha doazón de material escolar.
• Abril 19: A desfeita das obras do parque eólico de Mouriños na Serra de Gontón, en imaxes.
• Novembro 19: Santa Comba vestiuse de negro contra o “megaparque” eólico de Bustelo, Campelo e Toural.
• Febreiro 18: Regoelle, a tea de araña dos eólicos da Costa da Morte.