Por fin. Suso Lista pode por fin presentar na súa casa o seu novo libro. “Como a roda no Muíño” foi presentado en decembro, pero coa pandemia nos seus máximos niveis de incidencia era imposible. A semana pasada xa abría a veda en Santiago, da man da Fundación eugenio Grannel, e esta Semana Santa aproveita para presentar a súa novela na Praza da Ribeira, en Corme.

A cita será o sábado 3 de abril ás 17:00h, e estará arroupado por Xosé Manuel Varela (que sempre acompaña a Suso como asesor lingüistico) e Migurel Toval.

Será un momento ideal para ver ao escritor cormelán debullando como lle ocorreu esta “valleinclanesca” historia dun impertinente emigrante galego nado en Suiza que acaba facendo o Camiño de Santiago acompañado dun burro, o gran Babieca. "Unha novela de viaxes, de historia, de ciencia, ecoloxista, retranqueira, quixotesca, diferente... con persoeiros algo disparatados e politicamente correcta e incorrecta á vez", conta Pabloen Compostela tras ver a presentación en Santiago.

Fisterras Atlánticas, en Fisterra

Na mesma liña, o Hotel literario Bela Fisterra acolle este venres 2 de abril, ás 12:00h a presentación do libro “Fisterras Atlánticas: unha antoloxía da poesía Galega e Irlandesa contemporánea”, unha antoloxía editada por Medulia na que a Costa da Morte ten unha importante presenza. Os editores Antonio Raúl de Toro e Xosé Miguel Jiráldez estarán na nosa comarca.

• Máis información: Medulia Edicións publica "Fisterras Atlánticas”.

Novas sobre Suso Lista

• Decembro 2020: Suso Lista presenta "Como a roda no muíño": "É unha novela bastante ghamberra”.
• 2019: Suso Lista atopa novos petroglifos: “Corme é o puto centro dos petroglifos oceánicos”.
• 2017: Suso Lista completa a súa triloxía de relatos con Charamuscas.
• A arte efímera de Suso Lista na area do Osmo.
• Xuño 2015: Suso Lista publica o seu segundo libro, Xeixos, con sabor ao mar salgado de Corme.
• Suso Lista, terceiro Mellor Autor do Ano para a revista Fervenzas Literarias.
• Suso Lista e Suso Bahamonde seguen expandindo os seus libros.
• Dous Susos, dous libros.
• Maio 2014: Suso Lista presenta na casa o seu libro Salseiros.

Fonte

• Redacción de QPC ([email protected]).