Esta fin de semana volvía vivirse en Corme unha desas sesións de deporte extremo de máximo nivel internacional. Un grupo dunha vintena de especialistas vascos en surf extremo pasou a fin de semana bailando ca Tremosa, esa onda xigante que encandila ducias de deportistas de todo o planeta.

Unha visita que provocou ademais que os hostais e casas rurais da zona teñan un impulso en temporada baixa.

Por momentos, eran ata 20 persoas na auga entre surfistas, motoristas, cámaras… disfrutando deste deporte.

Hoxe temos festa na #Tremosa en Corme #surfextremo #costadamorte ❤️❤️ pic.twitter.com/2BamTY4ElD

— Suso Lista (@ListaSuso) December 11, 2021

Desta volta foi o equipo de Axi Muniain o que estivo pola zona, o equipo que máis ten profundidado nesta onda, e que a ten convertido nunha referencia mundial ata cotas insospeitadas. De feito, Axi tivo que marchar ao Campionato do Mundo de Ondas XXL, a World Surf League, que se celebra en Nazaret, e 8 dos 16 participantes que compiten nesta proba estiveron por Corme.

Ademais de Axi, tamén estivo o brasileiro Rodrigo Koxa (que conta co actual recor Guiness de surfear unha onda de 24 metros); a francesa-brasileira Michell de Bouillons e Justine Dupont, dúas das 3 mulleres que compiten a este nivel; o brasileiro Ian Cosenza; os portugueses Nic Von Rupp e Joao Mancebo; e Eric Rebiere, brasileiro-frances que reside en Bastiagueiro.

Aí é nada o potencial da comarca, como reflexiona o patrón maior de Corme, Roberto Vidal, ao que todos acoden para solicitar apoio loxístico. “Temos a Messi no peirao e non nos decatamos, porque este deporte non é tan famoso como o fútbol”, valora.

Novas relacionadas

• A "Tremosa" tamén encandila a Justin Dupont.
• Xaneiro 2021: Surf: Mike Lay namora de Nemiña.
• Decembro 2020: A Tremosa en vídeo.
• 18-11-2020: Surfeiros vascos, portugueses e brasileiros poñen en valor “A Tremosa”.
• Novembro 2020: “A Tremosa: Cando rompe, treme o barco, treme a costa”.
• 28-10-020: Os amantes do surf extremo volven á Costa da Morte.
• Outubro 2020: 14 Concellos soben á onda da Reserva Mundial de Surf Costa da Morte.
• Abril 2020: As ondas xigantes da Costa da Morte nun novo vídeo de especialistas internacionais de surf.
• Febreiro 2018: Gravando as ondas XXL da Costa da Morte.
• 2017: Surfeando ondas xigantes da Costa da Morte.
• 2014: Costa da Morte, a fronteira do Surf Extremo.
• 31-12-14: Surfeando a onda Mutante da Costa da Morte.
• 2013: A Tremosa, a gran e temida onda da Costa da Morte.
• 2013: As perigosas ondas das Costa da Morte collen sona internacional.