Se por Ponteceso haberá Pinchos, p por Corme a devoción será a protagonista na Semana Santa 2014. A vila cormelá xa se prepara para a lista de procesións que terán lugar entre o 1 e o 20 de abril, organizadas pola Irmandade da Virxe das Dores coa colaboración do Concello.

Arrincarán as citas o venres 4, ás 20:00h co septenario da Virxe das Dores. Pero as procesións propiamente ditas comezarán o Venres das Dores, o 11 de abril, coa misa cantada a partir das 20:00h pola Coral Brisas do Mar de Corme, seguida da procesión coas imaxes das Dores e da Piedad, acompañadas polos nazarenos, mantillas, cofrades e a banda de cornetas e tambres da OJE de Ferrol.

O Domingo de Ramos, día 13, toca misa e bendición dos ramos, ás 11:00h.
Para o Xoves Santo, día 17, toca ás 20:00h celebración da Cea do Señor e representación dos Santos Óleos.
O Venres Santo, día 18, será un dos días grandes coa celebraciuón da Pasión do Señor, con procesión e representación das xentes da vila.
Xa o sábado, a Vixilia de Pascua, toca misa ás 20:00h para a Resurrección, que se completará a mañá do Domingo de Resurrección.

Semana Santa 2014

• O congro será o actor principial da Semana Santa muxiá.
• Ponteceso bótase aos Pinchos por Semana Santa.
• Os fisterráns preparan a súa Semana Santa.
• A Panorama volverá estar nas Festas do Cristo de Fisterra.
• A Mostra do Encaixe 2014 xa ten cartel.
• Carnota abre as portas por Semana Santa ca III Mostra Víndemo Ver.
• Corcubión baila a ritmo de Cumbia por Semana Santa.

Fonte

• Redacción de QPC ([email protected]).