Este xoves 30 de xuño, os veciños de Lestimoño, en Ponteceso, foron convocados pola Deputación para recibir información sobre unha posible expropiación, por mor da obra de mellora dos accesos e sendas do lugar. Unha zona perigosa, cuias obras de mellora da seguridade, ademais de facer saneamento e abastecemento, é absolutamente necesario.

Pero malia que a obra sae publicada no BOP do pasado 7 de marzo, a veciñanza descoñecía completamente o proxecto, e lamenta que o Concello non lles trasladase ningunha información e sexa a Deputación a que os convoque.

O grupo de Concelleiros non adscritos aseguran que hai moitos “veciños afectados indignados, dado que afecta a expropiación incluso de escaleiras de entrada a vivendas”. “Por que o alcalde non reuniu aos veciños para explicarlles as obras e as posibles expropiacións? Despois fala de dialogo e transparencia”, critican.