Presentado o pasado mes de decembro no Parador, co gallo do recital conxunto que reunía, 25 anos despois da súa creación, a moitos dos membros do Batallón Literario da Costa da Morte, o libro “Feros Corvos” volve á actualidade. Este sábado 10 de setembro, ás 13:00h na Casa da Cultura de Santa Comba, e no marco do Festival “Feros Corvos”, a crítica literaria Teresa Seara impartirá unha charla baixo sobre o libro homónimo que ela mesma artellou.

O festival xalleiro colle o nome daquel boletín «Feros Corvos» e está realizando unha marea de actividades, como o recital de Manuel Rivas este domingo ás 18:00h na vivenda sociocomunitaria.

Pero a sesión sabatina centrarase nesta antoloxía publicada, e á venda, por Chan da Pólvora Editora. sobre o “fugaz pero feroz movemento, polo que pasaron ata corenta poetas e que se converteu nun dos colectivos referenciais da acción poética en Galicia a finais do pasado século”.

Atoparemos poemas de María Lado, Estevo Creus, Rafa Vilar, Xandra Tedín, Mónica Góñez, Miro Villar, Paco Souto, Modesto Fraga, Alexandre Nerium, Tomás Lijó, María Xosé Canitrot, Pilar Beiro, Abel Mendes, Serxio Iglesias, Marilar Aleixandre, Suso Bahamonde, María Canosa ou Xaime Trillo, algúns dos poetas deste grupo poético que naceu en Cee en maio de 1996.

Novas do Batallón

• Decembro 21: O Batallón Literario celebrou entre versos o seu 25 aniversario.
• 2020: O Batallón Literario da Costa da Morte reactívase, 24 anos despois, dende a fin da terra .
• Miro Villar: Feros Corvos, 1 (Inverno de 1997). A revista do Batallón Literario da Costa da Morte.
• Miro Villar: A vinte anos da antoloxía “mar por medio”, unha ponte entre poetas cubanos de Holguín e poetas da Costa da Morte.
• Álex López: 21 anos de Arre Sentelha e do Batallón Literario da Costa da Morte.
• 2012: O Batallón Literario da Costa da Morte revive na rede.