Esta pasada mañá de venres, a rapazada de 2º de Educación Primaria do CEIP San Vicenzo visitou a Casa do Concello de Vimianzo para coñecer o funcionamento e estrutura deste organismo.

Participaron tamén nun Pleno, onde cada alumna e alumno lle entregou á alcaldesa, Mónica Rodríguez, unha carta coas súas peticións para mellorar o municipio, e interviron na propia sesión a través da quenda de 'rogos e preguntas'.

Desde o Concello, agraden tanto á rapazada como á súa profesora, Mónica Maroño, o tempo adicado a esta visita, e agardamos que as crianzas gozasen con esta iniciativa. Rodríguez asegura que "todas as peticións foron lidas e atenderanse en tanto en canto se poida".