O concello de Vimianzo e a Protectora SOS Pelines acaban de asinar un convenio de colaboración para a xestión das adopcións dos animais acollidos na canceira. A protectora encargarase de xestionar a entrada e saída dos animais na canceira, levando unha folla de rexistro dos animais que entran e saen, comprobar se necesitan atención veterinaria e xestionar a súa adopción no caso de que os donos non aparezan. Pola súa banda, o concello comprométese a seguir encargándose do servizo de recollida e lazaría. Con este convenio preténdese evitar o sacrificio de animais buscándolles un novo fogar e entregándollos ás familias adoptantes documentados e cun contrato de adopción. A protectora fará un seguimento do coidado e do estado dos cans adoptados. Dende SOS Pelines levaranse a cabo varias campañas de concienciación destinadas a mellorar o estado e o coidado dos animais domésticos, destinadas tanto a escolares como ao público en xeral. Na páxina de Facebook da Protectora SOS Pelines pódense consultar os consultar os cans que actualmente están acollidos na canceira de Vimianzo.

Novas relacionadas

• Cadelar: “É incrible ver cómo lles cambia a cara cando ven entrar a Nuba e o que disfrutan traballando con ela”
• As actividades asistidas con animais chegan aos colexios da Costa da Morte con Aloumiños e Cadelar.
• Salvacadelos segue medrando.

Fonte

• Redacción de QPC ([email protected]).
• Concello de Vimianzo