Despois dun par de anos axitados, parece que Servizo de Axuda no fogar de Vimianzo vaise estabilizando. Así o asegura o Concello vimiancés, que contabiliza un aumento do 50% en dous anos das horas efectivas do SAF, despois das reformas realizadas no mesmo en 2015, e que provocou un lixitio xudicial.

Considera o Concello que a externalización do servizo de asistencia provocou que “no ano 2017 se duplicaran as horas de prestación de servizos pasando de 6762 en 2015 a máis de 12000”. Parello a isto a achega da Xunta de Galicia tamén se duplicou nos últimos dous anos, pasando de 46000€ a case 90000€. Así, duplicouse o número de horas e se incrementaron os postos de traballo, e reducindo o gasto municipal.

Novas relacionadas

• Setembro 2017: Desestimado o recurso contencioso administrativo contra o concello de Vimianzo polo servizo de axuda no fogar.
• 22-11-16: O PP de Vimianzo acusa a Antelo de moverse por “revanchismo” no litixio polo servizo de axuda no fogar
• 06-10-16: O concello de Vimianzo xustifica os gastos do servizo de axuda no fogar