Luns. 09.12.2019
El tiempo

Os 80 maiores de Vimianzo xa voltaron da súa viaxe a Portugal

Os 80 maiores de Vimianzo xa voltaron da súa viaxe a Portugal
Os maiores de VImianzo de viaxe por Portugal

Arredor das 21 da noite de hoxe marte chegarán ás súas casas as máis de 80 persoas que participan na viaxe organizada desde o Concello de Vimianzo para maiores de 55 anos, logo de pasaren 6 días coñecendo Portugal, acompañados pola concelleira de Benestar Social Mª Xosé Ramos Rey.

O pasado xoves día 27 de setembro dous autobuses partían de Vimianzo ben cedo para gozar de 6 días por terras portuguesas. Despois dunha parada para almorzar en Vigo a seguinte parada foi na cidade de Porto, onde estaba previsto o xantar na Casa da Música. A continuación un guía local acompañounos visitar a cidade antes de comezar o paseo en barco polo río Douro que os levou visitar unha bodega e degustar un Oporto, antes de ir ao hotel onde se aloxaron esa noite.

O segundo día tocou unha visita guiada á cidade de Coimbra e unha sorpresa á hora do xantar onde puideron gozar dunha acturación de fados, antes de continuar camiño cara a Lisboa, cidade na que se aloxaron os seguintes días.

Ao día seguinte visita guiada á capital lusa con subida no funicular Gloria. O cuarto día tocaron as visitas máis agardadas: Sintra, coa visita ao Palacio Real, pola mañá, e Casais e Estoril pola tarde. O luns deixaban Lisboa para dirixirse a Óbidos onde os agardaba un guía para realizar a visita antes de continuar viaxe cara a Nazaré. Logo da visita e o xantar en Nazaré a seguinte parada será en Alcobaça onde visitarán o coñecido mosteiro.

Onte ficaron en Figueira da Foz e aproveitaron para facer as últimas compras. E xa están de camiño a casa, a onde chegarán tras facer a merenda no Obradoiro.

Novas relacionadas

Fonte

Comentarios