Os vindeiros xoves 25 e venres 26 de maioterá lugar en Hamburgo (Alemaña) o Circular Economy Forum Hamburg (evento multiplicador ou «multiplier event» do proxecto) e a 3.ª Reunión do Comité Director («Steering Committee Meeting») do proxecto europeo Circular.rur, desenvolvido dentro do programa Erasmus +.

E a representación española terá acento costeiro. Será Rosa Sánchez Martínez (axente de desenvolvemento local do Concello de Vimianzo) a que presida, xunto a Sofía Agrafojo Rey (técnica da Deputación da Coruña), a delegación de AFIPRODEL —entidade socia do proxecto—para escoitar de primeira man as experiencias relativas á economía circular na provincia neerlandesa de Frisia, sobre as ferramentas da economía circular desenvolvidas no marco do proxecto.

O proxecto europeo Circular.rur, conta cun orzamento total de 252.931,00 euros, financiados ao 100 % polo programa Erasmus +, e está integrado no programa Erasmus + e conta con participación de institucións galegas (O Concello de Outes é o líder), croatas, irlandesas, alemás, italianas e gregas. O obxectivo do proxecto é promover a transferencia de coñecementos innovadores sobre Economía Circular e o desenvolvemento de novos modelos de negocio baseados nesta, que respondan ás expectativas dos mercados laborais nacionais e europeos, e que brinden novas oportunidades de activación fronte aos retos actuais, fomentando contornas rurais máis modernas e sostibles, a través do apoio intelixente dos profesionais da área de desenvolvemento rural aos futuros emprendedores do rural europeo.