O proxecto "Regueifesta" pretende impulsar a regueifa como forma de socialización entre a xente nova O pasado e o presente conviven no traballo que presentan esta tarde o IES Maximino Romero de Lema - Baio - e o IES Marco do Camballón - Vila de Cruces-  na biblioteca pública Ánxel Casal de Santiago de Compostela. Alumnos en alumnas dos dous centros de ensino, xunto cos profesores Manolo Maseda e Séchu Sende e as regueifeiras Alba María e Sara Marchena, presentan o “proxecto Regueifesta” . O proxecto, que se enmarca dentro das xornadas de Tradición Oral da Biblioteca Anxo Casal, é unha iniciativa de normalización linguística impulsada polo instituto baiés e o IES Marco do Camballón, de Vila de Cruces, que ten como obxetivo impulsar a regueifa como unha forma de socialización entre a xente nova, un instrumento para desenvolver habilidades lingüísticas, un recurso para estimular a creación musical e para o tempo libre da mocidade. "Regueifesta" está amadriñado pola regueifeira Aurora Ramos Pereiro, de Baio, de 103 anos de idade, e máis polo regueifeiro Xairo de Herbón, de 12 anos. Un exemplo claro do abano xeracional no que se move este fenómeno social. O proxecto desenvolverase a través dunha dinámica cotiá no uso das redes sociais no proceso de socialización. A maiores tamén están programadas outras actividades como: unha excursión a Euskal Herria para coñecer o bertsolarismo de primeira man (a improvisación oral vasca), un Congreso de Formación para docentes, pais e nais no mes das Letras ou unha Festa final do Proxecto así como a elaboración de material divulgativo de carácter didáctico e un documental entre outras actividades.   Novas relacionadas

• Xabier Díaz: “A Costa da Morte é unha terra fértil en folclore”
• “As letras galegas xa non son se non hai Festiletras”
• O IES de Baio premiado por recuperar a paisaxe e os cultivos das Terras de Soneira
• O IES de Baio cumpe 20 anos

  Fonte

• Redacción QPC (info@quepasanacosta.gal)
• IES Maximino Romero de Lema