Fálase moito nestes últimos tempos da remunicipación de servizos básicos. Poderíamos falar do transporte público, do servizo de gas ou telefonía. Pero o auga é, sen dúbida, un ben primario que debería ser xestionado sen ánimo de lucro.

Hoxe queremos visitar un Concello que decidiu nos últimos tempos rescatar a concesión, cambiar a externalización pola xestión propia do servizo de augas. E polo que nos conta o teniente alcalde Óscar Lema, non lles vai nada mal.

”Aquí xa levabamos tempo pensando en rescatar, e como somos moi carneiros, levamos a municipalización adiante, a pesar da lei de 2012 que facilita a privatización e externalización de servizos. Esta Lei permite gastar 100.000€ nunha empresa pero impide ampliar a masa salarial municipal para facer contratos públicos”, sinala en claro sentido de crítica.

”Aquí en Zas agora aforramos uns 200.000€ ao ano no servizos de augas, e iso permítenos cobrar só 24 céntimos por metro cúbico a cada veciño, coa rede de sumidoiros de balde. Se seguísemos coa contrata teríamos que cobrarllelo servizo aos veciños”, apunta consicente de que o aforro municipal tamén revirte na economía de cada familia.

Lema explica como foi o proceso de rescisión do contrato. ”Ademais estaban dando un servizo malísimo, e iso pasa máis veces do que se pensa. Tiñamos varias depuradoras que non funcionaban. Rompíanse pezas e non se repuñan e tiñamos avisos de Augas de Galicia de verquidos constantemente. Decidimos ir ca Policía, levantar acta e negociar a anulación do contrato. Agora temos un home da casa, un "todoterreno" que fai de todo, dende redactar o proxecto ata executalo, o que nos permite un aforro importante”, recoñece.

Fonte

• Redacción de QPC ([email protected]).