O Concello de Zas afirma que informará á veciñanza sobre o novo proxecto mineiro de Fornelos pero lembra que é competencia da Xunta
07:44 03/06/26
Anunciaba a Xunta o pasado venres a aprobación dun novo proxecto de investigación mineira para a zona de Fornelos. Un proxecto "Jorge Reyes" que comeza a súa fase de investigación (aínda non de explotación), como dicimos, que afectará principalmente á vila zaseira, pero tamén algunha zona de Cabana e Laxe.
Un dos primeiros en lanzar as alarmas foi o grupo do PSOE, que pedía a meirande transparencia e información á veciñanza neste preocupante proxecto.
Por parte do Concello, queren deixar claro que a tramitación, avaliación e resolución deste tipo de permisos é competencia exclusiva da Xunta de Galicia, a través da consellería competente en materia mineira. O Concello non participa na súa autorización nin dispón da capacidade de modificala ou resolvela.
O Goberno municipal asegura estar estudiando o expediente, e nese xa conta con documentación cartográfica que permite identificar a área afectada na zona de Fornelos, e está a traballar para que esta información poida ser explicada con claridade á veciñanza.
Onte mesmo celebrou unha reunión co presidente da Asociación de Veciños ‘A Fonte’ de Fornelos, no marco do traballo de contacto directo coa cidadanía. No caso de considerarse oportuno, valorarase a convocatoria dunha reunión informativa aberta á veciñanza, co obxectivo de explicar a situación con transparencia e resolver dúbidas.
Onte mesmo celebrou unha reunión co presidente da Asociación de Veciños ‘A Fonte’ de Fornelos, no marco do traballo de contacto directo coa cidadanía. No caso de considerarse oportuno, valorarase a convocatoria dunha reunión informativa aberta á veciñanza, co obxectivo de explicar a situación con transparencia e resolver dúbidas.
