O emblemático pazo das Torres do Allo vestirá as súas pedras de creatividade e cor para conmemorar o Día das Letras Galegas o vindeiro 17 de maio, ofrecendo un obradoiro gratuíto para nenos e nenas.

A partir das 16:00 horas, os rapaces e rapazas de 5 a 12 anos terán a oportunidade de mergullarse na riqueza da nosa cultura dun xeito lúdico e participativo. O obradoiro consistirá en plasmar nun lenzo a esencia de Galicia, formando de maneira conxunta a palabra "GALICIA". Cada letra será unha porta de entrada a un elemento significativo da nosa identidade, desde a paisaxe ata as tradicións, pasando pola nosa lingua e o noso patrimonio.

Esta actividade é completamente gratuíta, pero as prazas son limitadas para garantir unha experiencia enriquecedora para todos os participantes. Por este motivo, é necesario inscribirse previamente, facilitando o nome e apelidos do neno/a, a súa idade e un número de teléfono de contacto.

As inscricións poden realizarse nos seguintes puntos:

• Centro Sociocultural de Zas: 981 75 13 98
• Centro Sociocultural de Baio: 981 71 80 56
• Torres do Allo: info@torresdoallo.gal

Ademais deste obradoiro especial, as Torres do Allo ofrecerán outras actividades para gozar en familia durante toda a xornada:

• Visitas guiadas: Descubre a fascinante historia do pazo en visitas guiadas que terán lugar ás 13:00 e ás 17:00 horas.
• Xogo de pistas familiar "O Legado de Francisca": Embárcate nunha divertida aventura para desvelar os segredos agochados no pazo. O xogo estará dispoñible en calquera momento dentro do horario de apertura.Todas as actividades son de balde, polo que as Torres do Allo son destino perfecto para celebrar o Día das Letras Galegas en familia