O auditorio de Baio quedou pequeno para acoller este pasado xoves o Festival fin de curso da ESMU Pepe Valiña de Baio.

Foron 27 os pianistas que se subiron ao escenario baixo a presentación de Xandro Calvo. O alcalde de Zas Manuel Muíño tamén lle dedicou unhas agarimosas palabras ao alumnado e á profesora Tatiana Pankrátova polo seu traballo.

Foi un concerto especial e emotivo dedicado a Miguel Reymúndez e Lino Rey, directivos da asociación e membros da Coral Xan Mella, que faleceron hai uns meses. Dúas persoas que traballaron arreo e aos que o público lles dedicou unha agarimosa e emotiva ovación máis que merecida.

Para rematar o festival actuou o Coro Xoven da Escola de Música que volvía a actuar despois duns anos parados pola pandemia.

Dende a AMC Pepe Valiña-Coral Xan Mella queren agradecerlle ao Concello de Zas  e á Deputación de A Coruña a súa colaboración coa nosa Escola de Música.