M.A.N, Mar Arte Naufraxios: sesións documentais nas Torres do Allo

M.A.N, Mar Arte Naufraxios: sesións documentais nas Torres do Allo

09:54 20/07/23

O xoves 20 e o venres 21 de xullo ás 22:30h, o exterior do pazo das Torres do Allo encherase cunha serie de sesións documental no marco do proxecto M.A.N. Mar, Arte, Naufraxios.

O xoves 20 da man de Xabier Eirís, de Vizuals Lab., proxectarase “Costa da Morte. Terra, mar, pasado e presente”, un documental no que 15 mulleres contan súas vidas entre o mar e a terra, vidas que permiten retratar xeracional e etnograficamente a Costa da Morte durante o último século, empregando imaxes dos fotografos que retrataron a nosa memoria histórica como José Vidal de Laxe, Ramón Caamaño de Muxía e Ruth Anderson nos seus viaxes por Galicia a finais dos anos 20 do século pasado.

A cita do venres 21 é con Paula Castiñeira e María González, creadoras do documental “Caneliñas, a Costa das Baleas. Un documental estupendo que repasa a historia da baleeira ceense..

Exposición

Ademais, as Torres do Allo acollen dende hoxe ata o 30 de xullo a exposición fotográfica “Prestige: 20 anos”, nha selección de 20 fotografías retratadas por Jose Manuel Casal e Ana García, fotógrafos de La Voz de Galicia na sección de Carballo.