Xoves. 13.06.2024
El tiempo
que pasa na costa

Un novo vídeo con IA do IES de Baio leva un premio do Certame de Curtas da ADOS

IES de BAIO premio ADOS
Un novo vídeo con IA do IES de Baio leva un premio do Certame de Curtas da ADOS

Segue arrasando de concurso en concurso o IES Maximino Romero de Lema. A semana pasada aínda recollían un premio en Nigrán, e onte tiveron que acodir a Santiago para recoller o 2º premio no “XI Certame de curtas da Axencia Galega de doazón de órganos e transplantes (ADOS)”.

O IES acada este galardón coa curta "A melodIA da vida na doazón de órganos e tecidos" elaborada polo alumnado de 4º da ESO Alicia Martínez Vidal, Izan Blanco Tajes, Pablo Lerma Carril e Héctor García Senande, coordinados polos profesores Fina Paulos Lareo e Óscar Manuel Rey Calo coa colaboración de Alberto Coya Otero.

O traballo volve incorporar xeración de cancións con ferramentas IA e con mensaxes claras que animan á poboación xove a doar. O traballo premiado "A melodIA da vida na doazón de órganos e tecidos" volta amosar que a Intelixencia artificial, utilizada de forma correcta pode ter un impacto positivo na transmisión de valores, neste caso o da solidariedade.

Máis novas do IES

Comentarios