Xoves. 13.06.2024
El tiempo

Os vídeos con IA do IES de Baio conseguen gañar outro certame

Fina Paulos Lareo e Óscar Manuel Rey do IES de Baio  Calo en Nigran
Fina Paulos Lareo e Óscar Manuel Rey do IES de Baio Calo en Nigran
Os vídeos con IA do IES de Baio conseguen gañar outro certame

Non paran de viaxar Fina Paulos Lareo e Óscar Manuel Rey Calo. Os mestres do IES Maximino Romero de Lema levan xa unha marea de premios cos vídeos documentais que realizan os seus alumnos e alumnas, usando como ferramenta a Intelixencia Artificial. 

Hai pouco recollían hai pouco un premio estatal polo seu documental sobre o síndrome de Rett. E hoxe veñen recoller o premio á mellor curta pola obra “Educando na diversidade” no II Concurso de curtametraxes de Nigrán organizado pola Sociedade Galega de Sexoloxía e o Concello de Nigrán.
Este certame adícase na edición deste ano á “Educación sexual, materia pendente” e entrégase o premio coincidindo coa V Semana da diversidade sexual de Nigrán.

O obra galardoada, coordinada polos mestres, ten como protagonistas ás alumnas de ciclo medio Nerea Torrado Lema e de bacharelato Marina García Camafreita e amosa, desde a perspectiva de persoeiros históricos como as galegas Marcela e Elisa, Alan Turing e Federico García Lorca, as dificultades que tiveron pola súa condición sexual que truncaron as súas vidas pero tamén avances relevantes na sociedade. Neste traballo utilízase a intelixencia artificial para dar voz ós persoeiros, poñendo en valor a tecnoloxía xa utilizada noutros traballos.

A peza foi premiada polo seu valor educativo e pola posta en valor da tecnoloxía como ferramenta para transmitir valores e fomentar o respecto na diversidade sexual.

Os dous profesores destacan que, máis alá do valor económico do premio para o Instituto, recoñécese unha forma de transmitir valores a través da IA que como ferramenta educativa ben usada pode ter un impacto moi positivo na sociedade.

Novo vídeo

Non teñen parada, e veñen de lanzar unha nova curta sobre o fomento da igualdade e contra a violencia de xénero. Porque #nosdueleatodos, vota por esta curta realizada polo alumnado de 4º da ESO do noso IES. "Pon la melodÍA de la igualdad en tu vida".

Xa podes votar por el nesta ligazón.

Máis novas

Comentarios