Actores de Badius durante a última representación que fixeron en Baio da obra Frankenstein Xa vén de atrás a traxectoria do teatro afeccionado no concello de Zas con grupos tan consolidados como Badius ou os da súa escola de teatro. Así que co obxectivo de fomentar as artes escénicas, o departamento de Cultura dirixido por Manuel García Velo, acaba de organizar a I Mostra do Teatro Afeccionado. Segundo indican dende o propio goberno municipal, ésta pretende ser "unha cita anual á que poidan acudir compañías de teatro amador e, favorecer así as obras feitas en galego". Na Mostra poderán participan todos os grupos de teatro afeccionado da comunidade galega presentando o número de obras que desexe, das cales só poderá ser seleccionada unha. O prazo límite de inscrición e entrega da documentacion remata o 28 de marzo de 2016. A selección das obras realizaraa unha comisión formada por Manuel García Velo, concelleiro de Cultura, Ana Lucía Otero, animadora cultura do municipio, Ricardo Vigueret Gil, Alberto Villar López e Pablo Soto Videla, membros do grupo de teatro Badius. A comisión realizará unha lista de cinco espectáculos que formarán a I Mostra de Teatro Afeccionado do Concello de Zas e que se exhibirán nos auditorios de Baio e Zas. A exhibición terá lugar os sábados 23 e 30 de abril, e 7, 14 e 21 de maio de 2016. Mentres que a entrega dos premios se realizará o 28 de maio. Premios A obra gañadora recibirán un premio de 700€, mentras que a segunda e terceira clasificadas recibirán 500 e 300€, respectivamente. Tamén haberá un premio ao mellor actor e á mellor actriz consistente nun trofeo e nun diploma acreditativo. Asemade, o concello de Zas abonará 100€ a cada grupo seleccionado en concepto de gastos orixinados pola montaxe dos espectáculos.

Novas relacionadas

• Teatro, monólogos e maxia enchen de espectáculo a casa da Cultura de Vimianzo
• Cheo total no auditorio de Baio no estreo de Frankestein, a nova obra de teatro de Badius
• #30anosdeBadiusTeatro: O estado de saúde do teatro costeiro aproba con nota.
• Un regalo viral para os 30 anos de Badius Teatro.
• 14-11-14: Badius arrinca cas clases da Escola de Teatro Infantil en Baio e Zas.
• Nova fornada de actores en Zas.
• Badius Teatro xa fai o sueco no Youtube.
• 25 anos espallando o teatro dende Baio para toda a Costa da Morte.
• O teatro pechou o curso en Zas.
• Badius e Feminino Plural gañan premios no certame de teatro afeccionado máis importante do país .
• Un novo premio nas vitrinas do grupo de teatro Badius .

Fonte

• Redacción de QPC ([email protected]).
• Concello de Zas