Últimos días para inscribirse na III Mostra de Teatro Afeccionado Labarta Pose
08:06 27/02/18
Cos Premios Fouciño tamén en marcha, o Concello de Zas, que se converténdose nun núcleo de atracción cultural, ultima os preparativos para a III Mostra de Teatro Afeccionado “Labarta Pose” (nome incluído esta edición para conmemorar a figura do escritor baiés). De feito, o vindeiro xoves, 1 de marzo, remata o prazo de inscrición polo que o Concello fai un chamamento a eses grupos ou compañías (ou persoas naturais ou xurídicas tanto públicas como privadas, algo que é novidade) que queiran presentarse.
Para participar é necesario anotarse presentando a documentación pertinente así como os anexos que acompañan ás Bases debidamente cumprimentadas.
As obras seleccionadas representaranse os días 21 e 28 de abril e 5, 12 e 19 de maio distribuídas entre o auditorio do Pavillón de Baio e o auditorio da Casa do Concello. A entrega de premios terá lugar o domingo 27 de maio.
Premios
Nesta terceira edición da mostra de teatro tamén son novidade os premios xa o que o Concello de Zas destina 2.500€ que distribuirá entre cada unha das cinco obras finalistas as cales recibirán 500€. Tamén haberá premio para a mellor obra elixida polo xurado (trofeo e diploma acreditativo), premio ao mellor actor e á mellor actriz (trofeo e diploma acreditativo) e premio á mellor obra elixida polo xurado (trofeo e diploma acreditativo). As bases pódense consultar na páxina web municipal a través do seguinte enlace (www.concellodezas.org). Novas relacionadas- Os Fouciño volverán situar a Baio no centro do audiovisual galego
- III Mostra: Arranca a III edición da Mostra de Teatro Afeccionado de Zas.
- II Mostra: Zas revitaliza o teatro afeccionado
- II Mostra: “Esperamos que nesta segunda edición Zas consolide a Mostra de Teatro Afeccionado dentro da axenda cultural”
- I Mostra: Zas consolida a Mostra de Teatro Afeccionado dentro da súa axenda cultural
- A figura de Labarta Pose reactívase coa visita do seu bisneto.
- Redacción QPC ([email protected])