O próximo venres, 18 de marzo, é o prazo límite para que os nenos e neas de entre 5 e 12 anos do concello de Zas se apunten nos obradoiros de Semana Santa que terán lugar nos centros socioculturais de Baio e de Zas. Dentro das actividades ofertadas polo concello de zasense inclúense manualidades, xogos, contos, música e teatro que se levarán a cabo luns, martes e mércores da vindeira semana (21, 22 e 23 de marzo). Os obradoiros serán en horario de mañá (de 11 a 13 horas) no centro sociocultural de Zas e de tarde (de 16 a 18 horas) no de Baio. A inscrición é de balde. Os interesados poden obter máis información nos teléfonos 981.751.398 e no 981.718.056. A Semana Santa encherá a Costa da Morte de artesanía -coa tradicional mostra de Encaixe de Camariñas e coa feira Víndemo Ver de Carnota - deporte e de ofertas musicais, principalmente nas festas do Cristo de Fisterra.

Novas relacionadas

• A ESMU de Carnota prepara un concerto para a Semana Santa
• Completo programa para a Semana Santa en Carnota ca Mostra Víndemo Ver
• Carnota xa prepara a Ruta BTT de Semana Santa
• Muros prepara unha Semana Santa de artesanía, risa e devoción
• A Semana Santa de Fisterra xa ten as súas orquestras
• Catorce países participan na Mostra do Encaixe coa estrea de Arxentina

Fonte

• Redacción de QPC (info@quepasanacosta.com)