Despois de reunirse co empresariado local, o Concello de Zas vén de incorporar varias ideas ao seu programa de actividades de Nadal. Un programa que traerá, ademais de obradoiros, teatro, contacontos e a tradicional cabalgata de Reis, unha gran novidade: a gran festa de Pre Fin de Ano do día 30.

Para a rapazada

• • A programación de Nadal do Concello de Zas arranca este venres, día 15, coa función escolar “A maxia do Mago Teto” que levaremos ao Auditorio de Zas (10:00 horas) e ao Auditorio de Baio (12:30 horas).
• O teatro, o humor e a música mistúranse no espectáculo familiar “Molto Barroco” que traerá ao Auditorio de Baio a compañía Píscore o sábado 16 de decembro, ás 18:30 horas.
• Os ratiños de Lonxedetodo tamén farán unha visita este Nadal os días 18 (en Baio) e o 19 (en Zas) para facernos unha sesión de contacontos infantil que, nesta ocasión, leva por título “Cueiros de cores”. Será ás 18:00 horas.
• O sábado 23 recibimos a visita de Papa Noel que virá acompañado de Cé Orquesta Pantasma, en dúas sesións; unha ás 12:00 horas no Centro Sociocultural de Zas e outra ás 17:00 horas na Praza Jorge Mira, de Baio.
• A rapazada tamén poderá participar no obradoiro “Nadal nas Torres” que se realizarán os días 16 e 17 de decembro nas Torres do Allo a partir das 16:00 horas.  
• Os campamentos “Zas Nadal” para permitir a conciliación laboral das familias. Haberá dúas quendas; unha do 26 ao 29 de decembro no Centro Sociocultural de Baio (de 16:00 a 19:00 horas) e outra do 2 ao 5 de xaneiro no Centro Sociocultural de Zas (de 10:00 a 13:00 horas).
• Unha das grandes novidades da programación de Nadal deste ano é a festa infantil de Pre Fin de Ano que se celebrará o sábado 30 de decembro, coa visita do carteiro real, soarán as badaladas de Fin de Ano e haberá moita música con Pakolas. Haberá dúas sesións, unha ás 11:00 horas no Centro Sociocultural de Zas e outra ás 17:00 horas na Praza Jorge Mira Pérez de Baio.

Para o público adulto

• O sábado 16 de decembro, terá lugar no Auditorio de Baio ás 18:00 horas a web sobre Enrique Labarta Pose na que se recolle unha boa parte da vida e obra deste ilustre veciño.
• Sen Tempo Teatro, da Escola de Teatro para Adultos do Concello de Zas, representará o día 23, ás 20:00 horas, a comedia “Por riba de nós” no Auditorio de Zas.
• A compañía Badius Teatro representará o sábado 30, as 20:00 horas, a súa obra de teatro “A Peregrinaxe” no Auditorio de Zas.
• Concerto Pre Fin de Ano. Para o público adulto tamén haberá unha festa de Pre Fin de Ano que se celebrará coa música que traerán “Los Jinetes del Trópico”. Será o sábado 30 de decembro, a partir das 22:30 horas, na Praza Jorge Mira Pérez de Baio.
• "Modelaxe de Nadal” é o nome do obradoiro para adultos que se realizará os días 16 e 23 no Centro Sociocultural de Zas pola tarde.

Cabalgata de Reis

E coma sempre, a programación de Nadal péchase coa tradicional Cabalgata de Reis que, un ano máis, percorrerá o municipio os días 4 e 5 de xaneiro. A súa visita rematará o día 5 cun percorrido especial que farán polas rúas de Zas e de Baio. A partir das 18:00 horas, Melchor, Gaspar e Baltasar farán unha Recepción Real no praza Jorge Mira Pérez. E tamén habera a actuación do Mago Paco e chocolate con churros. E en Zas, a Recepción Real será a partir das 18:30 horas e despois actuará o Mago Noel e tamén haberá chocolate con churros para todos e todas.

Todas as actividades son gratuítas e para asisitir aos obradoiros ou aos campamentos é necesario anotarse previamente no Centro Sociocultural de Zas ou no de Baio ou a través dos seguintes números de teléfono: 981 751 398 / 981 718 056.