Con motivo da Semana Santa, o concello de Zas activa o programa de visitas teatralizadas nas Torres do Allo ademais de ampliar o seu horario de apertura co fin de dar a coñecer este emblemático edificio con máis de 500 anos de historia a todos os seus visitantes. A compañía Os Quinquilláns volverán a darlle vida a Francisca Rioboo e a Víctor López Seoane nunhas visitas teatralizadas que realizarán os días 14 e 15 de abril (venres e sábado) ás 13 horas. As visitas son gratuitas e están dirixidas a todos os públicos. Trátase dunha representación teatral de carácter didáctica e lúdica de 35 minutos de duración coa que os asistentes percorrerán os distintos espazos do pazo. Por outra banda, o concello de Zas tamén ofrece visitas guiadas a todos os visitantes das Torres do Allo durante esta Semana Santa. O horario delas é todos os días ás 12 e ás 17 horas. Tamén é posible concertar unha visita guiada para grupos no número de teléfono 663 249 974. Respecto ao horario de apertura, as Torres do Allo ampliarán o seu horario durante esta Semana Santa. Así, dende o 8 ata o 16 de abril o pazo poderá visitarse entre as 11 e as 20 horas. Os visitantes tamén pode desfrutar da mostra de pezas de olería de Buño situada na sala de exposicións do pazo. Sinatura convenio Precisamente hoxe, ás 12:30 horas, terá lugar a sintatura do convenio para a xestión das Torres do Allo. Asistirán o alcalde e outros representantes do concello de Zas e o responsable de Patrimonio da Deputación da Coruña, Xesús Soto. Novas relacionadas

• Febreiro 2017: A Deputación mantén o compromiso cos Batáns do Mosquetín, o Castelo de Vimianzo e as Torres do Allo
• Febreiro 2017: As Torres do Allo mudan de horario de apertura
• Xaneiro 2017: As Torres do Allo estrean folletos
• Xaneiro 2017: Os mil segredos das Torres do Allo
• Novembro 2016: 140 alumnos de Zas aprenden a historia da comarca nas Torres do Allo
• Setembro 2016: As Torres do Allo acollen unha exposición de pezas de Olería de Buño
• Setembro 2016: Máis de 2200 persoas visitaron as Torres do Allo durante o verán
• Setembro 2016: 400 persoas disfrutaron das visitas teatralizadas das Torres do Allo
• Xullo 2016: Máis de 900 persoas visitan as Torres do Allo nos últimos tres meses.
• Xullo 2016: As Torres do Allo potencian o seu pasado.
• Xullo 2016: As visitas teatralizadas chegan ás Torres do Allo
• Maio 2016: O Concello de Zas xestionará as visitas e a difusión das Torres do Allo

Fonte

• Redacción QPC (info@quepasanacosta.com)
• Concello de Zas