Os Concellos da Costa reciben 260.000€ para a limpeza das súas praias
|
|
Son moitas vences os voluntari@s os que manteñen limpos os areais. Areais que moitas veces son de verdadeira vergonza allea, como acontece na praia da Concha, en pleno centro de Cee. Esperamos que as axudas da Deputación da Coruña para que os concellos da contorna contraten servizos de limpeza erradiquen esta paupérrima imaxe dunha comarca que debe vivir da súa natureza como vital recurso turístico.
A Deputación abre esta liña para axudar aos no sostemento dos gastos de contratación do persoal das brigadas que se encargarán da limpeza dos areais da provincia, así como da adquisición do material necesario, vestiario ou combustible.
A subvención para a creación destas brigadas de limpeza ten unha duración máxima de tres meses, que deberán estar comprendidos na época estival.
Na comarca a Deputación déixase máis de 260.000€ nos nosos concellos.
PROGRAMA LIMPEZA DE PRAIAS 2019 da Deputación
| Beneficiario | Obxecto | Importe |
| Cabana | Campaña limpeza de praias 2019 | 16.250,82€ |
| Camariñas | Limpeza de praias marítimas 2019 | 26.127,42€ |
| Carballo | Limpeza de praias no 2019 | 30.738,14€ |
| Carnota | Contratación brigadas de limpeza de praias anualidade 2019 | 28.893,85€ |
| Cee | Programa de limpeza de praias marítimas no 2019 | 20.843,18€ |
| Corcubión | Contratación servizo Limpeza de Praias 2019 | 7.535,99€ |
| Dumbría | Limpeza da praia do Ézaro | 17.143,78€ |
| Fisterra | Contratación persoal para a limpeza de praias no 2019 | 25.820,04€ |
| Laxe | Campaña limpeza de praias 2019 | 25.820,04€ |
| Malpica | Limpeza de praias en Malpica no 2019 | 22.762,52€ |
| Muros | Limpeza de praias marítimas no 2019 | 24.590,51€ |
| Muxía | Contratación persoal limpeza praias | 25.820,04€ |
| Ponteceso | Plan de limpeza de praias | 29.201,23€ |
