Imprimir

Ferroatlántica despide un traballador que foi delegado sindical da CIG por un comentario nunha rede social

que pasa na costa | 04 de decembro de 2018

Iimaxe dunha concentración do Comité da CIG ás portas de Ferroatlántica Iimaxe dunha concentración do Comité da CIG ás portas de Ferroatlántica

28 anos de traballo para a empresa, e uns comentarios nunha rede social son suficientes para xustificar un despedimento. Así están as cousas en materia laboral en Ferroatlántica, xa coa loita completamente aberta entre dirección e traballadores, e xa “con represalias en toda regla”, como recoñecen dende a CIG.

Precisamente o sindicato nacionalista é o que denuncia hoxe o despedimento dun traballador das centrais hidroeléctricas por chamarlle “delincuentes” aos xefes do grupo empresarial. Un comentario realizado a 4 días do referendo para a aprobación do convenio, nun ambiente tremendamente crispado e cheo de nerviosismo pola falta de transparencia na negociación, xa que o documento final non foi sometido á asemblea do persoal.
De feito, non valeu que o propio traballador pedira desculpas polo seu “inapropiado comentario” e mesmo borrouno da rede social, p”ero nin a liberdade de expresión nin o perdón foron suficientes para evitar un despedimento que a CIG xa anuncia que reclamará a súa nulidade.

O traballador foi delegado da CIG, por iso dende o sindicato consideran que “é unha medida de castigo contra a CIG e que a dirección busca darlle un carácter exemplarizante”. Entenden ademais que é “medida absolutamente inxustificada e desproporcionada, que hai que enmarcar na campaña de represión sindical da compañía de Villar Mir contra a CIG pola loita contra a venda das centrais hidroeléctricas, a negativa a ratificar acordo marco estatal e a impugnación da votación fraudulenta pola cal que se aprobou o convenio colectivo para as fábricas de Cee e Dumbría e das centrais que, de saír adiante, suporá modificar as condicións de traballo e un recorte dos dereitos laborais e salariais adquiridos”.

Pendentes do Acordo Marco

Mentres, o convenio aínda está sen rexistrar, pois a Xunta segue pendente do informe da Inspección de Traballo despois da reclamación, por parte da CIG, da votación na se aprobaba o Acordo Marco.

Novas relacionada

https://quepasanacosta.gal/a-cig-reclama-a-anulacion-da-votacion-na-que-se-aprobou-o-acordo-marco-en-ferroatlantica/

Máis novas do conflito #Ferroatlántica

Podes ver este artigo na próxima dirección /articulo/cee/ferroatlantica-despide-un-traballador-que-foi-delegado-sindical-da-cig-por-un-comentario-nunha-rede-social/20181204120148089931.html


© 2019 que pasa na costa

COPYRIGHT 2019 QUE PASA NA COSTA