Imprimir

Malpica pon en marcha unha nova campaña de trampeo de avespa velutina

que pasa na costa | 13 de marzo de 2019

Concello e Protección Civil de Malpica comezan a campaña de trampeo contra a velutina
Concello e Protección Civil de Malpica comezan a campaña de trampeo contra a velutina


Os apicultores e os veciños que queiran colaborar poden solicitar trampas e líquido atraínte nas oficinas municipais

Malpica pon en marcha unha nova campaña de trampeo de avespa velutina

O Concello de Malpica anticipa a campaña de trampeo da avespa velutina debido a que tamén se adiantou a aparición das primeiras raíñas da temporada. En colaboración coa Agrupación de Voluntarios de Protección Civil veñen de poñer en marcha unha campaña aberta á participación e colaboración tanto de apicultores/as como de veciños e veciñas que queiran axudar a combater a praga, ao tempo que inician a colocación de trampas en zonas axardinadas, nas que abundan as árbores que exercen maior atracción sobre as avespas asiáticas, como camelias ou rododendros, pero tamén nas proximidades de edificios e espazos públicos como centros escolares ou parques infantís.

Colaboración veciñal

As persoas interesadas poden pasar pola Casa do Concello e solicitar trampas e líquido atraínte que deberán colocar o antes posible en zonas con plantas ou árbores con flores (camelios e rododendros están entre os preferidos pola avespa asiática). Tanto na trampa como no envase do líquido explícanse os pasos que se deben seguir, ademais de recordar ao voluntariado que tamén se poden preparar trampas con botellas de plástico e líquidos de uso habitual en calquera fogar como viño, cervexa, zume ou simplemente auga con azucre.

Podes ver este artigo na próxima dirección /articulo/malpica/malpica-pon-marcha-nova-campana-trampeo-avespa-velutina/20190313120409107616.html


© 2019 que pasa na costa

COPYRIGHT 2019 QUE PASA NA COSTA