Nova semana de cortes de luz na comarca de Fisterra. Durante este mércores, varios puntos da comarca estiveron boa parte da mañá sen electricidade, provocando de novo os negocios da vila, por exemplo, pasaran máis de dúas horas coa única iluminación das luces de emerxencia e as candelas.

Segundo informou a empresa Naturgy ao Concello houbo unha avaría na estación da Pontella, e outra no tendido eléctrico que ven de Corcubión a Mallas. A empresa agora mantén comunicación directa co Concello e se puxeron mans á obra para solventar a incidencia, pero a comarca non pode seguir consentido unhas infraestrururas tan terriblemente precarias.

Así o entende o grupo do BNG que levou ao Parlamento Galego, a través da súa deputada Noa Presas, os continuos cortes de suministro, sen que “o goberno reaccione e impoña algún tipo de sanción á compañía eléctrica Naturgy”. Unha situación que xa vén herdada de toda a vida, pero que este mes de decembro foi especialmente grave, como recolleu o Concello nun completo informe enviado ao IGAPE e á Xunta.

De aí que Presas instase ao director xeral de Enerxía que o Instituto Enerxético de Galicia, (INEGA) a que actúe con medidas urxentes contra os cortes intermitentes de 1 a 4 horas en Fisterra. “Estes cortes de subministro supoñen máis de 20 horas ao mes para comercios e hostalería”, concluíu.

Presas tamén preguntou polo “expediente informativo ás empresas eléctricas” anunciado en marzo de 2018 pola Xunta de Galiza que non foi remitido ao Parlamento a pesar de ser solicitado polo grupo do BNG.

Reportaxes sobre incomunicación

• Juan Sierra, do bar O Pazo: "Estamos sufrindo practicamente corte por día case.
• Fenosa escoita as demandas da veciñanza de Fisterra.
• Un informe recolle os testemuños e as consecuencias dos infinitos cortes de luz na comarca de Fisterra.
• O Concello de Fisterra eleva as súas queixas polos cortes de luz a Xunta e ao INEGA.
• Eloy Boullosa, do hotel Costa da Morte: "Mandábamos á xente aos hoteis de Cee porque sabíamos que alí había luz”.
• Veciños de Fisterra piden o arranxo das liñas de alta tensión do Monte da Nave.
• José Luis Louzán, de Artifex: “Houbo días enteiros nos que practicamente non puidemos traballar.
• A Illa, a aldea incomunicada de Santa Comba.
• Ponteceso, o primeiro Concello que alza á voz contra Naturgy ante a avalancha de cortes eléctricos.