Xoves. 28.03.2024
El tiempo

Novos anegamentos en Muxía

Novos anegamentos en Muxía
Baixos anegados polas chuvias-Foto-Proteccion Civil Muxia Imaxe dun dos baixos anegados polas chuvias do pasado mes-Foto-Proteccion Civil Muxia

Despois dos problemas cas riadas de finais de novembro, as novas chuvias destes días seguen causando estragos pola zona.

O baixo e o garaxe dunha vivenda de Chorente, en Moraime, Muxía, volvía anegarse debido ás chuvias a primeira hora da tarde dende pasado domingo 16 de decembro.

Ao lugar tiveron que acodir Protección Civil e os Bombeiros de Cee dous vehículos BUL e BNP para facer labouras de achiques. Procederon á retirada a auga que anegaba o acceso a vivenda pola garaxe, por medio de dúas bombas de achique xa que as que tiña o veciño non lle funcionaban.

Unha vez seco procedeuse aos traballos de limpeza.

Poste caído en Fisterra

Así mesmo, os Bombeiros e a Policía Local de Fisterra tamén tiveron que acodir ás 11:40 do domingo a unha chamada a San Martiño de abaixo, Fisterra, para poder retirar un poste de teléfono que caera na estrada e impedía a circulación. Ata o lugar desprazáronse 4 bombeiros con dous vehículos un deles o de altura. Unha vez alí cortaron os cables tensores para poder retirar o poste e co vehículo de altura deixaron suxeitado provisionalmente o cableado para poder facilitar a circulación ata que persoal de mantemento da liña se faga cargo da incidencia.

Novas relacionadas

https://quepasanacosta.gal/a-xunta-deixa-en-mans-da-deputacion-a-decision-que-axude-a-paliar-os-efectos-dos-temporais-que-afectaron-a-varias-localidades-da-costa-da-morte/

Comentarios