Imprimir

O alcalde de Camariñas aos xulgados pola contratación por parte do Concello dos seguros da súa empresa

que pasa na costa | 02 de maio de 2011

Mapfre Pichurri

O voceiro do PP de Camariñas, Daniel Rego, informa de que chegou un Auto do Xuiz do Xuzgado nº 2 de Corcubión (o mesmo xuíz que leva o caso da Operación Orquesta), referente a denuncia contra M. Valeriano Alonso de León, coñecido como "Pichurri", realizada polo PP camariñán, pola contratación dos seguros do Concello coa empresa do Alcalde.

O Xulgado admite así a trámite a denuncia do PP por un presunto delito de "autocontratación e negociación prohibida a funcionarios". I é que segundo Rego, "o rexidor Camariñán contrataba as pólizas de seguros do Concello con unha sociedade mercantil da que é administrador único".

Historia do proceso

Os feitos remóntanse a 2009 cando veciños do Concello remitiron a través de anónimos a sede dos populares información sobre "supostas irregularidades" en torno a contratación dos seguros do Concello de Camariñas a empresa Pichurri,S.L.". Ante estas informacións chegadas en varios anónimos o longo de distintos meses, o Grupo Municipal popular inicio as súas investigacións propias para tratar de confirmar estas informacións, chegando a octubre de 2010, cando solicita copias da documentación relativa aos contratos de seguros que mantén o Concello Camariñán, petición que "foi desoida pola Alcaldía". En novembro do mesmo ano e en febreiro de 2011, volveuse reclamar a copia da documentación "obtendo a mesma resposta por parte da alcaldía".

Finalmente, o 21 de febreiro de 2011, o PP remite un escrito a alcaldía indicando que "en caso de non cooperar acudiriamos aos tribunais pois estabamos amparados polas leis e mesmo pola Constitución Española". Aí é cando comprobaron os membros da oposición que "as pólizas do Concello de Camariñas, presidido por Manuel Valeriano Alonso "Pichurri", foron contratadas a Axencia Aseguradora da que é titular a sociedade Pichurri S.L., desoindo as indicacións incluidas no Informe de reparo emitidas polo interventor municipal", denuncia o PP.

Máis información

Fonte

  • Nota de prensa do PP de Camariñas.
Podes ver este artigo na próxima dirección /articulo/camarinas/o-alcalde-de-camarinas-aos-xulgados-pola-contratacion-por-parte-do-concello-dos-seguros-da-sua-empresa/20110502081517067748.html


© 2019 que pasa na costa

COPYRIGHT 2019 QUE PASA NA COSTA