Stoupa, o punto de encontro da artesanía e a cultura da Costa da Morte
A tenda Stoupa quedou pequena para inauguración da mostra Stoupidos
Cee converteuse este sábado no punto de encontro da cultura, da arte e do emprendemento da Costa da Morte. Foi a tenda turística Stoupa a que conseguía congregar case un centenar de personaxes comprometidos coa comarca para estrear a mostra “Stoupidos 2017”, un compendio de artistas da Costa da Morte que levan expoñendo este curso na galería.
A cita acolleu xentes relacionadas coa arte e a cultura como Viki Rivadulla, Pepe de Olegario, Marinna Mouzo, Oti Fernández, Serj, Fernando Fraga, María Canosa, Concha Blanco, María Lema, David de Lorenzo, Frank Buschmann, Manuel Canosa, María Lado, Rocío Leira, Jesica Coiradas, Nacho Porto, Nano Unzueta ou Juan Louro.
Begoña Fernández, unha das almas de Stoupa, con Silvina Muñoz
Pero tamén houbo presencia empresarial, con representantes de innovadoras empresas locais como Fresco y del Mar, Coído de Sabadelle, Algareira e Toxogel; e empresarios do sector turístico como O Semáforo de Fisterra, Casa de Carmen de Corcubión ou Casa de Trillo de Muxía e, por suposto, amigos e clientes da tenda. Todos desfrutaron dunha velada co un moi bo ambiente donde brindaron por un próspero novo ano con exquisitos produtos comercializados por emprendedores da comarca: cervexa artesá “Estrela do Mar” feita con auga de mar do Coído de Sabadelle en Vimianzo, e doces de chocolate con algas da Costa da Morte, da reposteira de Xaviña, Silvina Muñoz.
Cheo en Stoupa Cee para a Mostra Stoupidos
“Stoupidos 2017”
“Stoupidos 2017” é unha exposición conxunta de mais de 20 artistas colaboradores de Stoupa, que invita aos que a visitan a que regalen neste Nadal, agasallos da terra, produtos únicos e feitos na súa totalidade na Costa da Morte. A galería ceense é un proxecto nado fai un ano e medio, que se vai consolidando día a día, e cuxo obxectivo último é vender a “Costa da Morte”, a obra e o talento dos seus artistas, artesáns, escritores, músicos, e tamén dos seus emprendedores.
“Stoupidos 2017” durará todo o mes de decembro, ata pasar a fin de semana de Reis, e poderá visitarse de luns a sábado de 12h a 14h e de 17h a 21h.
María Lado e María Canosa non faltaron á cita en Stoupa
Novas relacionadas
- Este Nadal, regala Stoupidos de arte da Costa da Morte.
- Os barquiños de Mimadriña xa navegan por Stoupa.
- Nando Lestón expón as súas creacións en Stoupa.
- Marcos Rodríguez expón as súas fotografías premiadas en Stoupa
- 12 meses facendo estoupar a arte da Costa da Morte
- Xoanxo Cespón trae a súa visión “Costa da Morte” a súa casa.
- As Redeiras de Corme, artistas en Cee.
- A deseñadora ceense Jesica Coiradas expón a súa colección de roupa en Stoupa.
- A arte de Viki Rivadulla está que Stoupa.
- Stoupa, o novo centro da cultura e artesanía da Costa da Morte
- Un estoupido de cultura para a Costa da Morte.
- Redacción de QPC ([email protected]).
