Xoves. 28.03.2024
El tiempo

Transformando os espazos educativos en lugares de encontro para partillar experiencias dialóxicas

25N no IES de Baio co mestre Manolo Maseda
O alumnado do IES de Baio presneta a súa curta polo 25N co mestre Manolo Maseda
Transformando os espazos educativos en lugares de encontro para partillar experiencias dialóxicas

Este pasado luns 25 de novembro, moitas escolas da comarca celebraron diferentes actos e dinámicas arredor da Violencia de Xénero. Así aconteceu no vivo IES Maximino Romero de Lema, un centro que trabala transversal e diariamente a problemática pero que non esquece facer accións concretas no día D.

O venres foi a presentación do proxecto-disco “Ao Son Delas” a cargo do alumnado de Xestión Cultural e Artes Escénicas, un proxecto educativo arredor das mulleres músicas galegas como protagonistas, onde a lingua galega e a música son canle de “quilómetros de igualdade”. Grazas á colaboración de asociacións e organizacións da contorna, este disco poderá escoitarse nos buses escolares e comercios, contando ademais cunha vertente solidaria, pois a recadación do disco irá para unha acción solidaria de axuda ao tratamento médico dunha nena. Este proxecto xa gañou un premio educativo e seguirá a recoller máis entre a sociedade, como este sábado co éxito da foliada solidaria que se organizou no auditorio de Baio para seguir recadando fondos.

Grupo O Son de Cabana cantou a Rozalen no IES de Baio
​Grupo O Son de Cabana cantou a Rozalen no IES de Baio

Este mesmo 25N comeza no centro cunha intervención arredor da letra e música da “Porta Violeta” de Rozalen a cargo do alumnado de Artes Escénicas, Xestión Cultural e Igualdade de Xénero. De aí a invitación ao grupo de vinte mulleres “Ao son de Cabana” que coordina Silvia Losada e que viñan de gravar un vídeo arredor desta canción. Foi un emotivo acto interxeracional, unindo esforzos contra as violencias cara ás mulleres. Así, celebraron no recreo, co visionado do vídeo e estas vinte grandes mulleres cantando en directo á vez que o alumnado pintaba unha porta do centro en violeta, como símbolo desas portas das que fala a canción, portas violetas cara á liberdade de moitas das mulleres que loitaron e loitan cada día contra a violencia machista.

Pintando unha porta violeta no IES de Baio

Ao longo da mañá houbo varios obradoiros de lecturas coeducativas na biblioteca a cargo da librería de mulleres “Lila de Lilith” para alumnado diverso da ESO. Tamén alumnado de 2º de bacharelato fixo unha exposición para todo o alumnado arredor da figura de Margarita Salas, a grande científica que finou a semana pasada.

Sesions cientificas no IES de Baio sobre Margarita Salas

Para rematar o 25N o alumnado da materia Imaxen e Son presentou ao resto do alumnado a curtametraxe que realizaron titulada “Bágoas de Resío”, que pon o foco na violencia de xénero entre adolescentes e que será presentada a un certame de curtas. Despois de ver o traballo final, o alumnado expuxo o proceso de elaboración, desde o guión, partes máis técnicas, storyboard,... e responderon ás preguntas dos compañeiros.

As conmemoracións no rematan o luns no centro. O martes 26 a meirande o alumnado será público no auditorio de Baio da obra de teatro “Chola, A It Girl”, espectáculo teatral a cargo de ArtesaCía e que ten como protagonista a unha muller que traballa nun taller mecánico, unha mecánica.

Comentarios