O Entroido de Dumbría supera as mellores marcas

Camariñas Cee Dumbría Fisterra Laxe Vimianzo

O Entroido de Dumbría supera as mellores marcas

17:30 08/02/16

A Aldea Gala de Lirex ganou o Entroido de Dumbria

A Aldea Gala de Lirex gañou o Entroido de Dumbría 15 comparsas e máis e 400 persoas participantes dan conta de que o Entroido de Dumbría está sendo o gran revulsivo dos últimos anos. As comarcas de Fisterra, Soneira e Carnota-Muros xa teñen o domingo reservado para demostrar que #DumbríaéEntroido. Talento, creatividade e festa, para superar o frío, nun concurso dirixido por Fede Pérez, todo un figura en escena. Abriron a xornada os peques mimos da comparsa municipal, que participou fóra de concurso para sacar o sorriso de todo o persoal.

Ateigado a carpa para o Entroido de Dumbria

Ateigada a carpa para o Entroido de Dumbria Pouco a pouco foron saltando as comparsas grandes, chegadas de boa parte da comarca. Comezaron os MiniStarWars de Cee, seguidos dos Ponte a Bailas de Camariñas e dos Vuelta ao Cole e Os Parrandeiros de Baíñas. Deu conta da importancia deste entroido a chegada, dende Traba de Laxe, dos rapaces de A Maxia dos Contos. Los Niños del Coro non tiveron a descansar do sábado entroideiro fisterrán e tiraron de arte para dar candela a todo o que pasaba por aí. [fbvideo link="https://www.facebook.com/jorgeparri/videos/10205704457033046/" width="660" height="400" onlyvideo="1"] Era tempo de invasións, e a aldea gala de Lirex sacou de retranca para demostrar que falando de pactos, poucos mellor que os plumóns do César e Asterix. Levaron o primeiro para Cee, tralos votos do xurado que os escolleron por diante dos locais de Buxantes Calidade, que non puideron levar a espectacular carroza de La Bella y la Bestia que tiñan preparada por mor do tempo. Os Ferrío e compañía tiraron de retranca coas súas propias cousas e os propios bigotes… Terceira forza para Gures e o seu simpático afundimento do Titanic, cunha historia de amor tamén en clave estatal entre Pedro e Mariano… Simpatico foi o neno sobre, que levou o premio ao mellor disfraz individual. Espectacular o que está a facer Dumbría con esta festa de Entroido. O ano que vén han de vi competir dende Ourense!